مينيسترلىك قوعامدا ءتۇرلى پىكىر تۋدىرعان شوشقا سۋبسيدياسىنىڭ ءمان-جايىن ءتۇسىندىردى
«قوعامدا ءتۇرلى پىكىر تۋدىرعان تاقىرىپ بويىنشا مىنانداي اقپارات ۇسىنامىز. مەملەكەت ءارقاشان ەكونوميكالىق تۇرعىدان ءتيىمدى بولۋ ءۇشىن كورشىلەس ەلدەردىڭ سۇرانىسىنا ءمان بەرىپ، نارىقتاعى تۇتىنۋشى تالابىن ەسكەرەدى. قازاقستاندا 2018 -جىلدان باستاپ شوشقا ەتىن ءوندىرۋدى سۋبسيديالاۋ توقتاتىلعان. بۇل شوشقا وندىرىسىنە مەملەكەتتىك قولداۋدىڭ جالپى كولەمىنىڭ 2 ەسە ازايعانىن كورسەتەدى. قازىرگى ۋاقىتتا سالادا تەك ەكى سۋبسيديا بار: اسىلداندىرۋ مەن وسىرۋگە كەتكەن شىعىنداردى وتەۋ. الايدا، وتكەن جىلى بۇل سۋبسيديانى تەك ءبىر شارۋا قوجالىعى عانا پايدالانىپ، نەبارى 6 باس مال الىندى»، - دەدى مينيسترلىكتەن.
ۆەدومستۆو مالىمەتىنشە، 1991 -جىلى قازاقستاندا 2,9 ميلليون باس شوشقا بولسا، ال 2018 -جىلى ونىڭ سانى 800 مىڭعا دەيىن ازايعان.
«2019 -جىلعا قاراي قازاقستانداعى شوشقا سانىنىڭ ارتۋى شوشقا ەتى ەكسپورتىنىڭ وسۋىنە اسەر ەتتى. ەگەر 2017 -جىلى قازاقستان شەتەلگە 300 تونناعا جۋىق ەت ساتسا، بىلتىر ول 800 تونناعا جەتتى. وسى كەزەڭ ىشىندە شوشقا ەتىنىڭ ىشكى تۇتىنۋ ۇلەسى 8 پايىزعا تومەندەدى»، - دەلىنگەن تاراتىلعان اقپاراتتا.
