ەلوردادا ميتينگ وتەتىن ورىندار بەلگىلەندى
قۇجات اشىق نورماتيۆتىك- قۇقىقتىق اكتىلەر پورتالىندا جاريا تالقىعا ۇسىنىلدى، دەپ حابارلايدى قازاقپارات ءتىلشىسى.
اتالعان قۇجاتقا سايكەس، ەلوردادا بەيبىت جيىندار مەن شەرۋ وتكىزۋ ءۇشىن 4 ارنايى ورىن ۇسىنىلىپ وتىر. ءبىرىنشىسى - اۋماعى 4380 شارشى مەتردى قۇرايتىن، 1000 ادام سياتىن ش. قۇدايبەردى ۇلى داڭعىلى مەن ا. پۋشكين كوشەسى قيىلىسىنداعى ساياباق. ەكىنشىسى - مىڭ ادام سىياتىن، اۋماعى 2064 شارشى مەتردى قۇرايتىن «استانالىق سيرك» جانىنداعى الاڭ.
ءۇشىنشىسى - اۋماعى 1695 شارشى مەتر بولاتىن جەڭىس، اباي داڭعىلى، ت. بيگەلدينوۆ جانە جەلتوقسان كوشەلەرى ءتورتبۇرىشىنداعى جازعى الاڭ. بۇل جەرگە 500 ادام ەركىن سىيادى. شەرۋ وتكىزۋگە ارنالعان ءتورتىنشى باعىتتىڭ ۇزىندىعى - 2055 مەتر. باعىت اباي داڭعىلى مەن سەمبينوۆ كوشەلەرىنەن، جازۋشىلار اللەياسىنان باستاپ، قۇدايبەردى ۇلى داڭعىلى مەن ا. پۋشكين كوشەسىنە دەيىن جالعاسادى. شەرۋگە مىڭ ادامعا دەيىن قاتىسا الادى.
