قازاقستاندا جول ساپاسى قاشان جاقسارادى؟

بۇل تۋرالى يندۋستريا جانە ينفراقۇرىلىمدى دامىتۋ ءمينيسترى بەيبىت اتامقۇلوۆ بۇگىنگى حالىققا ەسەپ بەرۋ كەزدەسۋىندە مالىمدەدى.

«كەلەسى 6 جىل ىشىندە ءبىز 10 مىڭ شاقىرىم جولدى (ونىڭ ىشىندە 3,8 مىڭ ك م وتپەلى جوبانى) سالۋ جانە قايتا قۇرۋ، سونداي-اق رەسپۋبليكالىق جەلىدەگى 11 مىڭ شاقىرىم اۆتوموبيل جولدارىن كۇردەلى جانە ورتاشا جوندەۋدى جوسپارلاپ وتىرمىز»، - دەدى مينيستر.

سونىمەن قاتار، اتامقۇلوۆ مينيسترلىك الدىندا ۇلكەن مىندەتتەر تۇرعانىن اتاپ ءوتتى: رەسپۋبليكالىق جانە رەسپۋبليكالىق ماڭىزى بار اۆتوموبيل جولدارىنىڭ ۇلەسىن %100 عا جەتكىزۋ، I جانە II تەحنيكالىق ساناتتاعى اۆتوموبيل جولدارىنىڭ ۇزىندىعىن %60 دەيىن، اقىلى جولداردىڭ ۇلەسىن %45 دەيىن، جول بويىنداعى قىزمەت كورسەتۋ وبەكتىلەرىن %100 قامتۋ جوسپارلانعان.

«ءبىز تەمىرجول ترانزيتىن %49 عا، ياعني 18 دەن 26,9 ميلليون تونناعا دەيىن ارتتىرۋدى جوسپارلاپ وتىرمىز. ءبىز كونتەينەر ترانزيتىن 2 ەسەگە ارتتىرىپ، 2025 -جىلى 1,6 ميلليون كونتەينەرگە جەتكىزەمىز. جولاۋشىلار تاسىمالى جىلىنا 8,1 دەن 11 ميلليون ادامعا دەيىن (%35 عا) ارتادى»، - دەدى ول.

ءمينيستردىڭ ايتۋىنشا، جوسپارلانعان جوبالاردى ىسكە اسىرۋ 550 مىڭ جۇمىس ورنىن قۇرۋعا مۇمكىندىك بەرەدى. ناتيجەسىندە كولىك سالاسىنداعى ەڭبەك ونىمدىلىگى 20 پايىزعا ارتىپ، ينۆەستيسيالار 3 ەسەگە ارتادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى