ەلوردادا كوروناۆيرۋستان قايتىس بولعان ەكى ادامعا قاتىستى مالىمەتتەر ايتىلدى

«نۇر- سۇلتان قالاسىندا كوروناۆيرۋس ىندەتىنەن ەكى ادام قايتىس بولدى. وسى ورايدا مارقۇمداردىڭ تۋىستارى مەن جاقىندارىنا قايعىرىپ كوڭىل ايتامىز. ءبىرىنشى ناۋقاس 1958 -جىلى تۋعان ايەل ادام ون كۇندەي ۇيىندە ءوزىن- ءوزى ەمدەگەن. 31 - ناۋرىز كۇنى جاعدايى اۋىرلاعاندا جەدەل جاردەم ارقىلى جۇقپالى اۋرۋلار اۋرۋحاناسىنىڭ جانساقتاۋ بولىمىنە جاتقىزىلىپ، جاساندى وكپەنى جەلدەتۋ اپپاراتىنا قوسىلدى. جاعدايىنىڭ اۋىرلىعىنا بايلانىستى 18 - ساۋىردە رەسپۋبليكالىق قارقىندى تەراپيا ورتالىعىنا اۋىستىرىلدى. ەمدەۋ حاتتاماسىنا سايكەس، ناۋقاسقا قاجەتتى ەم- دوم شارالارى جۇرگىزىلدى. ءبىراق رەانيماتسيالىق شارالارعا قاراماستان، ناۋقاس 13 - مامىر كۇنى كوز جۇمدى» ، - دەدى قيسىقوۆا.

ونىڭ سوزىنە قاراعاندا، ەكىنشى ناۋقاس - 1977 -جىلى تۋعان ەر ادام. وتباسىندا كوروناۆيرۋس جۇقتىرعان جانمەن جاقىن قاتىناستا بولعان.

«وسى ورايدا ءتورت كۇن ءۇي كارانتينىندە بولدى. 17 - ساۋىردە جەدەل جاردەم قىزمەتى ارقىلى جۇقپالى اۋرۋلار اۋرۋحاناسىنا جەتكىزىلدى. وعان ءتيىستى ەمدەۋ شارالارى جاسالدى. الايدا جاعدايى اۋىرلاعاندىقتان، 22 - ساۋىردە جانساقتاۋ بولىمىنە اۋىستىرىلدى. ناۋقاس سوڭعى ەكى جىلدا قوسىمشا اۋرۋلارى بويىنشا ەمحانادا تىركەۋدە بولعان. 13 -مامىردا قارقىندى تەراپياعا قاراماستان، ناۋقاس قايتىس بولدى» ، - دەدى باسقارما باسشىسى. بۇدان بۇرىن حابارلانعانداي، ەلوردادا كوروناۆيرۋستان ەكى ادام كوز جۇمعان ەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى