قازاقستاندا باسپانا باعاسى ءبىر جىلدا قالاي وزگەردى؟

ستاتيستيكا كوميتەتىنىڭ مالىمەتىنە سايكەس، 2020-جىلعى ساۋىردە ونىڭ الدىڭعى ايمەن سالىستىرعاندا جاڭا تۇرعىن ۇيلەردى ساتۋ، اباتتاندىرىلعان جانە اباتتاندىرىلماعان باسپانانى ساتۋ- ساتىپ الۋ باعالارى وزگەرىسسىز قالدى.

اباتتاندىرىلعان پاتەردى جالعا الۋ تولەمى %0,8 جوعارى بولدى. ال ءبىر جىلدا تۇرعىن ءۇي نارىعىندا باعا كەلەسىدەي وزگەرگەن:

بيىلعى ءساۋىر ايىندا تازا ارلەنگەن جاڭا تۇرعىن ءۇيدىڭ ءبىر شارشى مەترى 297170 تەڭگەنى (رەسپۋبليكا بويىنشا ورتاشا باعا) قۇرادى.

بۇل 2019-جىلدىڭ ساۋىرىمەن سالىستىرعاندا 6,3 پايىزعا قىمبات. بيىلعى ساۋىردە اباتتاندىرىلعان پاتەردىڭ ءبىر شارشى مەترىنىڭ قۇنى 206072 تەڭگەگە باعالاندى.

ءبىر جىلدا باعا 7 پايىزعا ارتقان. اباتتاندىرىلماعان، جەر ءۇيدىڭ ءبىر شارشى مەترىنىڭ باعاسى وتكەن ءساۋىر ايىندا 128097 تەڭگە بولدى.

2019-جىلدىڭ ساۋىرىمەن سالىستىرعاندا 6,5 پايىزعا جوعارى. كوپ قاباتتى ۇيدە پاتەردى جالعا الۋ تولەمى ءبىر شارشى مەترى ءۇشىن 1574 تەڭگەنى قۇرادى. باعا ءبىر جىلدا 8,8 پايىزعا وسكەن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى