ماقتاارالدا زارداپ شەككەندەرگە پسيحولوگيالىق كومەك كورسەتىلۋدە

جالپى ۇزىندىعى 22 شاقىرىم بولاتىن ۋاقىتشا بوگەتتەر سالىندى، 86000 نان استام قاپ توسەلدى جانە سۋ توگۋگە 3 كوللەكتور ورناتىلدى. بۇل تۋرالى قازاقپارات ت ج ك سىلتەمە جاساپ حابارلايدى. تۇرعىنداردىڭ جەكە مۇلىكتەرىن سۋدان شىعارۋ، ءۇي جانۋارلارىن قۇتقارۋ جۇمىستارى جالعاسۋدا. تۇركىستان وبلىسى ت ج د جانە شىمكەنت قالاسى توتەنشە جاعدايلار باسقارماسى اپاتتار مەديتسيناسى ورتالىعىنىڭ پسيحولوگتارى ارت- تەراپيا ادىستەرىن قولدانا وتىرىپ، زارداپ شەككەندەرگە پسيحولوگيالىق كومەك كورسەتەدى.

قوعامدىق ءتارتىپتى قامتاماسىز ەتۋ ءۇشىن جاڭاتۇرمىس، فيردوۋسي، ورگەباس، جانتاقساي اۋىلدارىندا 4 بلوكپوست قويىلدى. قۇرامىندا 18 ادام مەن 4 تەحنيكا بار وزبەكستان ت ج م كۇشتەرى مەن قۇرالدارىنان تۇراتىن توپ كەلدى. تۇركىستان، جامبىل، قىزىلوردا وبلىستارى، شىمكەنت قالاسى ت ج د، اپاتتار مەديتسينا ورتالىعى، پوليتسيا دەپارتامەنتى، ۇلتتىق گۆارديا، قورعانىس مينيسترلىگى، جەرگىلىكتى اتقارۋشى ورگاندار كۇشتەرى مەن قۇرالدارى، جالپى العاندا 1412 ادام، 255 تەحنيكا، 17 ءجۇزۋ قۇرالى، 130 موتوسورعى تاۋلىك بويى جۇمىستارىن جالعاستىرۋدا. سونداي-اق، توتەنشە جاعدايدىڭ سالدارىن جويۋعا 223 ادامنان، 42 تەحنيكا مەن 85 موتوسورعىدنان تۇراتىن وزبەكستان توتەنشە جاعدايلار مينيسترلىگىنىڭ قۇتقارۋشىلارى تارتىلدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى