اۋعانستاندا گۋمانيتارلىق كومەكتى تاراتۋ كەزىندە جەتى ادام قازا تاپتى
قاقتىعىسقا ادامداردىڭ ازىق-تۇلىكتى تاراتۋ كەزىندەگى ادىلەتسىزدىككە نارازىلىق ءبىلدىرۋى سەبەپ بولعان. تەلەارنانىڭ اقپاراتىنشا، 10 پوليتسەي جانە كەم دەگەندە توعىز ادام زارداپ شەككەن. Reuters اگەنتتىگىنىڭ دەرەكتەرى بويىنشا، شامامەن 300 ادام نارازىلىق اكسياسىن ۇيىمداستىرعان. ولاردىڭ كەيبىرى گۋبەرناتوردىڭ رەزيدەنسياسىنا كىرۋگە ارەكەت جاساعان. اكسياعا قاتىسۋشىلار وق جاۋدىرعان، ولارعا پوليتسيا دا وق اتۋعا ءماجبۇر بولعان. كوروناۆيرۋس پاندەمياسىنا بايلانىستى اۋعانستاندا مۇقتاج جاندارعا ازىق-تۇلىك تاراتىلىپ جاتىر. اۋعانستاننىڭ ءبىرىنشى ۆيتسە-پرەزيدەنتى امرۋللا سالەحتىڭ مالىمدەۋىنشە ازىق-تۇلىك تاراتۋ تىزىمىنەن ەشكىم الىنىپ تاستالمايدى، بيلىك ورىندارى كوروناۆيرۋس سالدارىنان شىعىنعا ۇشىراعانداردىڭ بارىنە دە قولداۋ كورسەتەتىلەتىندىگىنە سەندىرىپ وتىر.
