قىتايدا مەكتەپ وقۋشىلارىنا ماسكا تاقپاۋعا رۇقسات بەرىلدى
بۇل ەرەجە قىتايدىڭ ەپيدەميولوگيالىق قاۋىپ دارەجەسى تومەن ايماقتارىندا ورنالاسقان باستاۋىش جانە ورتا مەكتەپتەر، مەكتەپكە دەيىنگى ءبىلىم بەرۋ مەكەمەلەرىنە قاتىستى.
مۇنداي ۇسىنىستى ق ح ر دەنساۋلىق ساقتاۋ ىستەرى بويىنشا مەملەكەتتىك كوميتەت جانە ق ح ر ءبىلىم مينيسترلىگى جاسادى، دەپ حابارلايدى قازاقپارات ءتىلشىسى.
مەكتەپتەر مەن بالاباقشالاردا، ياسليدە جۇمىس پروتسەسىن ۇيىمداستىرۋعا ءارقايسىندا جەكە ءتارتىپ ورناتىلعان. باستاۋىش جانە ورتا مەكتەپ مۇعالىمدەرىنە دە ساباقتى ماسكاسىز وتكىزۋگە رۇقسات ەتىلدى. مەكتەپكە دەيىنگى مەكەمەلەردىڭ تاربيەلەنۋشىلەرى مەن قىزمەتكەرلەرىنە ارنالعان جۇمىس بارىسىن ۇيىمداستىرۋ ءتارتىبى قاتالداۋ. وتكەن تاۋلىكتە (2020 -جىلدىڭ 8-مامىرى، ساعات 24:00 بويىنشا) قۇرلىقتىق قىتايدا كوروناۆيرۋس جۇقتىرعان ءبىر عانا ادام انىقتالدى، ءولىم جاعدايى تىركەلمەدى، دەپ حابارلايدى ق ح ر دەنساۋلىق ساقتاۋ ىستەرى بويىنشا مەملەكەتتىك كوميتەتى. قۇرلىقتىق قىتايدا COVID-19 جۇقتىرعان ادامداردىڭ جالپى سانى - 82887، ەمدەلىپ شىققاندار - 78046. وكىنىشكە قاراي، دەرتتەن 4633 ادام ومىردەن ءوتتى.
