ءبىر ايدان كەيىن كوروناۆيرۋستى ۇمىتامىز - لۋكاشەنكو

لۋكاشەنكو بەلارۋستىڭ كوروناۆيرۋس ينفەكتسياسىمەن كۇرەستەگى ءادىسىنىڭ دۇرىس ەكەنىن تاعى اتاپ ءوتتى.

«ءبىز ءوز جولىمىزدى تاڭدادىق. بۇگىن دۇرىس جاساعانىمىزعا كوزىم جەتتى. ءبىز توتەنشە جاعداي رەجيمىن ەنگىزبەدىك»، - دەدى ول.

پرەزيدەنت ءاربىر ادامنىڭ ءومىرى ءۇشىن كۇرەسۋگە شاقىردى جانە بەلارۋس حالقىنىڭ قولىنان كەلەتىنىن جەتكىزدى.

«ەگەر ءبىز ءارى قاراي دا وسى جولمەن كەتسەك، وندا ءبىر ايدان كەيىن كوروناۆيرۋستى ۇمىتامىز»، - دەدى لۋكاشەنكو.

بەلارۋستە كوروناۆيرۋس پاندەمياسىنا بايلانىستى قاتاڭ كارانتين شارالارى ەنگىزىلمەدى.

بەلارۋستە كوروناۆيرۋس جۇقتىرعان 20168 ادام تىركەلدى. COVID-19 جۇقتىرعان 5067 ادام اۋرۋدان جازىلدى، 116 ادام قايتىس بولدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى