قازاقستاندا ءبىر ادام كوروناۆيرۋستان كوز جۇمدى

بۇل تۋرالى قازاقپارات www.coronavirus2020.kz سايتىنا سىلتەمە جاساپ حابارلايدى.

23-ساۋىردە پاۆلودار قالاسىنىڭ 57 جاستاعى تۇرعىنىنان COVID-19 تابىلدى. ەر ادام ينفەكسيالىق ستاتسيونارعا جاتقىزىلدى. ونىڭ ءجىتى برونحيت دياگنوزى بولدى. ناۋقاستىڭ جاعدايى اۋىرلىقتىڭ ورتاشا دارەجەسى رەتىندە باعالاندى. پاتسيەنت 2-ءتيپتى قانت ديابەتىمەن ەسەپتە تۇرعان. 26-ساۋىردە جاعدايىنىڭ ناشارلاۋىنا بايلانىستى ەر ادام جۇقپالى گوسپيتالدىڭ رەانيماتسيالىق بولىمىنە اۋىستىرىلدى.

كۇن سايىن رەسپۋبليكالىق ماماندارمەن كەڭەس وتكىزىلدى. 29-ساۋىردە ەر ادامدا تىنىس الۋ جەتىسپەۋشىلىگىنىڭ ءوسۋى تىركەلدى. وسىعان بايلانىستى ول ءو ج ج اپپاراتىنا قوسىلدى. 2-مامىردا ناۋقاستىڭ جاعدايى كۇرت ناشارلادى. كەڭەس الۋ ءۇشىن نۇر-سۇلتان قالاسىنىڭ كارديوحيرۋرگى شاقىرىلدى. رەانيماتسيادان كەيىنگى كەزەڭدە ەمدەلۋشىدە جۇرەك-تىنىس الۋ جانە بۇيرەك جەتكىلىكسىزدىگى ءورشىدى. جۇرگىزىلگەن قارقىندى تەراپياعا قاراماستان، پاتسيەنتتىڭ جاعدايى ناشارلادى. ەمدەۋ ق ر د س م دياگنوستيكالاۋ جانە ەمدەۋ حاتتاماسىنا سايكەس جۇرگىزىلدى. 6-مامىر كۇنى ساعات 20:40 تا ەر ادامنىڭ بيولوگيالىق ءولىمى انىقتالدى.

ايتا كەتسەك، قازاقستاندا كوروناۆيرۋستان بارلىعى 31 ادام كوز جۇمعاندى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى