ەلوردادا تۇرعىن ءۇي قابىرعاسىنا باۋىرجان مومىش ۇلىنىڭ الىپ پورترەتى سالىندى

بۇل تۋرالى نۇر-سۇلتان قالاسى اكىمىنىڭ باسپا ءسوز حاتشىسى اقمارال ولجابايەۆ Facebook-پاراقشاسىندا جازدى، دەپ حابارلايدى قازاقپارات ءتىلشىسى.

«بۇل ارت-جوبا مايدان الاڭىندا ميلليوننان استام وتانداسىمىز شايقاسقان ەكىنشى دۇنيەجۇزىلىك سوعىستاعى جەڭىستىڭ 75 جىلدىعىنا ارنالىپ وتىر. باۋىرجان مومىش ۇلىنا ارنالعان مۋرالدىڭ اۆتورلارى - TigrohaudCrew كومانداسىنىڭ گراففيت-سۋرەتشىلەرى ەرجان تانايەۆ پەن ءالي زاكىر. ولار بۇكىل قازاقستان بويىنشا 15 تەن استام ءىرى اۋقىمداعى جۇمىستى ورىنداعان. جوبا جەتەكشىسى - كريستينا بەكمىرزايەۆا. وسى كوماندا ەلوردادا كوروناۆيرۋسپەن كۇرەستىڭ الدىڭعى شەبىندە جۇرگەن دارىگەرلەرگە مۋرال سالعان بولاتىن»، - دەدى اقمارال ولجابايەۆا.

ءۇي قابىرعاسىنا بەينەلەنگەن باۋىرجان مومىش ۇلىنىڭ جاس كەزىندەگى سۋرەتىن ايەل ادام قولىنا ۇستاپ تۇر. بۇل مايدانعا اتتانعان سۇيىكتىسىن، ۇلى مەن جاقىنىن تاعاتسىزدانا كۇتكەن انانى بىلدىرەدى. مۋرالدى سالۋعا سۋرەتشىلەر ءبىر اپتا ۋاقىتتارىن جۇمساعان.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى