يران بيلىگى ۆاليۋتا اتاۋىن وزگەرتەدى

ەلدەگى ەكونوميكالىق جاعداي جانە اقشا ەسەپتەۋدىڭ قيىندىعىنا بايلانىستى وسىنداي شەشىمگە كەلگەن.

جاڭا زاڭ جوباسى بويىنشا يراننىڭ ۆاليۋتاسى تۇمەن دەپ اتالادى. وسىعان دەيىن رەسمي اتاۋى ريال بولىپ كەلگەن.

Xinhua سايتى حابارلاعانداي، 10 مىڭ ريال 1 تۇمەنگە تەڭ بولادى. ياعني، ءتورت نولگە قىسقارادى. ال 1 تۇمەن 100 پارسەحتان (ەكىنشى دەڭگەيلى اقشا بىرلىگى) تۇرادى.

يرانداعى ۆاليۋتا الماسۋ پروتسەسى بىرتىندەپ جۇزەگە اسادى. تولىقتاي اۋىسۋ كەزەڭى 2 جىلدان استام ۋاقىتتى قامتىماق.

يران بيلىگى ەلدەگى ورتالىق بانكتىڭ اقشا رەفورماسى جايلى جوباسىن 2016-جىلى-اق ماقۇلداعان.

ودان بەرگى ارالىقتا زاڭ جوباسىنىڭ كەمشىن تۇستارى قارالىپ كەلگەن- ءدى.

قۇنسىزدانۋ سەبەبى نەدە؟

2015-جىلى شىلدەدە يران مەن التى مەملەكەت - ا ق ش، گەرمانيا، قىتاي، ۇلى بريتانيا، رەسەي جانە فرانسيا اراسىندا يادرولىق كەلىسىمگە قول قويعان.

2018-جىلى دونالد ترامپ ارنايى مالىمدەمە جاساپ، ۆاشينگتون يران كەلىسىمىنەن شىعاتىنىن مالىمدەدى.

«يران تەرروريزمدى قولداپ وتىر» دەپ ايىپتادى. ناتيجەسىندە يرانعا قاتاڭ سانكتسيالار جاريالاندى. وسىنىڭ اسەرىنەن ۆاليۋتاسى قۇنسىزدانا باستادى.

ۆاليۋتا قۇنسىزدانۋىنا بايلانىستى بانك كارتاسى جوق يراندىقتار وزدەرىمەن بۋما-بۋما اقشانى الىپ جۇرەتىن. ال تيىنداردان باس تارتۋعا تۋرا كەلگەن.

«تۇمەن» يراندىقتار ءۇشىن جاڭا اتاۋ ەمەس. 1932-جىلعى اقشا رەفورماسىنا دەيىن دە يران ۆاليۋتاسى وسىلاي اتالعان. ول كەزدە 1 تۇمەن - 10 كران، 1 كران 1000 دينارعا تەڭ بولعان.

ورتالىق بانك كۋپيۋرالارى مەن دۇكەن سورەسىندەگى باعالار ريال دەپ جازىلعانمەن، يراندىقتار اقشا بىرلىگىن كوبىنە تۇمەن دەپ اتايدى.

«تۇمەن» ءسوزى موڭعول تىلىندە «10000» دەگەن ماعىناعا سايادى. موڭعولداردا ەرتەدە 10 مىڭ اسكەردى تۇمەن دەپ اتاعان.

Massaget.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى