مۇناي باعاسى قايتادان ءوسىپ كەلەدى

ماۋسىمدا جەتكىزىلگەن WTI ماركالى مۇنايدىڭ فيۋچەرلىك باعاسى 15 پايىزعا ءوسىپ، 23,35 دوللارعا جەتتى.

Brent ماركالى مۇنايدىڭ باعاسى 10 پايىزعا كوتەرىلىپ، 29,94 ا ق ش دوللارىن كورسەتتى، دەپ حابارلايدى قازاقپارات ءتىلشىسى Markets Insider اقپارات كوزىنە سىلتەمە جاساپ.

فيۋچەرلىك كەلىسىمنىڭ ەكەۋى دە ءساۋىر ايىنىڭ سوڭىنا دەيىن تاريحي قىسىممەن بەتپە-بەت كەلگەن ەدى.

سەبەبى مۇنايعا دەگەن سۇرانىس كۇرت قۇلاپ، مۇناي ساقتايتىن ورىندار تولىپ كەتەدى دەپ كۇتىلگەن.

«نارىققا قاتىسۋشىلاردىڭ كوبى مۇناي باعاسى تۋرالى ءسوز قوزعاعاندا «تۋننەلدىڭ سوڭىندا جارىق بار» دەپ ەسەپتەيدى»، - دەيدى UBS اناليتيگى جوۆانني ستاۋنوۆو (Giovanni Staunovo). ۋوررەن باففەتت وزىنە تيەسىلى اكتسيالاردى ساتاتىنىن جاريالاعاننان كەيىن United Airlines، American Airlines، Delta Air Lines پەن Southwest Airlines سەكىلدى ءىرى اۋە كومپانيالارىنىڭ اكتسيا قۇنى تومەندەپ كەتكەنى حابارلانعان ەدى.

شىعىس ۋاقىتىمەن ساعات 09.30 دا سەيسەنبى كۇنى SP 500 يندەكسى 1,3 پايىزعا كوتەرىلىپ، 2,880.04 كە جەتتى. Dow Jones وندىرىستىك يندەكسى 305 پۋنكتكە، ال Nasdaq يندەكسى 1,4 پايىزعا كوتەرىلىپ، 8,834.89 پۋنكتكە جەتكەن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى