الاكولگە ۇشاقپەن بارۋعا بولادى

بۇل تۋرالى ق ر يندۋستريا جانە ينفراقۇرىلىمدىق دامۋ مينيسترلىگىنەن ءمالىم ەتتى، دەپ حابارلايدى قازاقپارات ءتىلشىسى.

«ق ر يندۋستريا جانە ينفراقۇرىلىمدىق دامۋ مينيسترلىگى وسى جىلى توتەنشە جاعداي اياقتالعاننان كەيىن الاكول دەمالىس ايماعىنا بارىپ قايتۋعا قولايلى بولۋى ءۇشىن ءۇرجار كەنتىنە سۋبسيديالانعان الەۋمەتتىك ماڭىزى بار رەيستەر اشۋدى جوسپارلاپ وتىر»، - دەلىنگەن ۆەدومستۆونىڭ Telegram پاراقشاسىندا جاريالانعان اقپاراتتا.

اتاپ ايتقاندا، مينيسترلىكتىڭ مالىمەتىنشە، نۇر- سۇلتان قالاسىنان ءۇرجارعا «يۋجنوە نەبو» اۋە كومپانياسى مامىردان قازان ايىنا دەيىن اپتاسىنا 6 جانە ودان كوپ رەيس ورىندايدى. وعان 174,3 ميلليون تەڭگە بولىنەدى. ءبىر جاققا تاريف قۇنى - 16 مىڭ تەڭگە. الماتىدان ءۇرجارعا «يۋجنوە نەبو» اۋە كومپانياسى مامىردان قازان ايىنا دەيىن 4 جانە ودان كوپ رەيس جۇزەگە اسىرادى. وعان 109,4 ميلليون تەڭگە بولىنەدى. ءبىر جاققا تاريف قۇنى - 14 مىڭ تەڭگە. وسكەمەننەن ءۇرجارعا «يۋجنوە نەبو» اۋە كومپانياسى جىل بويىنا اپتاسىنا 1 رەيستەن ورىندايدى. بولىنەتىن سوما - 207,7 ميلليون تەڭگە. تاريف قۇنى - 10 مىڭ تەڭگە.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى