قاراعاندى وبلىسىندا اۆتوبۋس جانە ارنايى تەحنيكا شىعاراتىن زاۋىت اشىلادى
كاسىپورىن ساراندا، بۇرىنعى رتب زاۋىتىنىڭ اۋماعىندا اشىلادى. پرەمەر- ءمينيستردىڭ قاتىسۋىمەن اكىمدىك پەن ينۆەستيتسيالىق كونسورتسيۋم اراسىندا جاڭا زاۋىت قۇرۋ جونىندەگى كەلىسىمگە قول قويىلدى. بيىلعى جىلى العاشقى اۆتوبۋس شىعارۋ جوسپارلانىپ وتىر. جىل سوڭىنا دەيىن ءبىرىنشى كەزەڭدى ىسكە اسىرۋ اياقتالادى. بۇدان ءارى جوبا جالعاسىن تابادى. جاڭا كاسىپورىنعا جۇمىلدىرىلعان تىكەلەي جانە تارتىلعان ينۆەستيتسيالاردىڭ جالپى سوماسى شامامەن 23 ميلليارد تەڭگەنى قۇرايدى. جوبا قولدا بار رتي عيماراتتارىن قايتا جاڭارتۋدى، سونداي- اق جاڭا وندىرىستىك وبەكتىلەردى سالۋدى كوزدەيدى. سونداي- اق جوعارى تەحنولوگيالىق دانەكەرلەۋ جانە سىرلاۋ جابدىقتارىن ساتىپ الۋ جوسپارلانعان. جوبا اياسىندا 1100 جۇمىس ورنىن اشۋ جوسپارلانۋدا. زاۋىتتىڭ جىلدىق جوبالىق قۋاتى - 1200 اۆتوبۋس جانە 500 ارنايى تەحنيكا شىعارۋ. ءونىم ەل ىشىندە ساتىلاتىن بولادى، سونداي- اق جاقىن شەتەلدەرگە ەكسپورتتالۋى مۇمكىن. قاراعاندىلىق جوو- لار اۆتوموبيل جاساۋ ءۇشىن كادرلار دايارلايتىن بولادى دەپ بولجانۋدا. ۋنيۆەرسيتەتتەردە بەيىندىك ءبىلىم بەرۋ باعدارلامالارى ىسكە قوسىلادى. كاسىپورىندى قۇرۋ قاراعاندى وبلىسى اكىمدىگىنىڭ، «برك- ليزينگ» ا ق جانە «سارىارقا» ا ك ك» ا ق قاتىسۋىمەن جانە قولداۋىمەن جۇزەگە اسىرىلادى.
