اسحات ايماعامبەتوۆ: بۇيرىق شىقتى - مەكتەپتە قاعازباستىلىق جويىلادى
«پەداگوگتاردان نەگىزگى ءتورت قۇجات تالاپ ەتىلەدى. ونىڭ ىشىندە مۇعالىم تەك ەكەۋىن عانا كۇندەلىكتى جۇرگىزىپ وتىرادى. ولار: ءداستۇرلى ساباق جوسپارى مەن سىنىپ جۋرنالى. قالعان قۇجاتتار، ياعني كۇنتىزبەلىك- تاقىرىپتىق جوسپارلاۋ (ك ت ج) مەن جەتەكشىلىك بويىنشا قۇجات بار. دەمەك قۇجاتتار ءتىزىمى ناقتى بەكىتىلدى. قازىر ورتا ءبىلىم دارەجەسىندە ونى قاتاڭ ساقتاۋ كەرەك»، - دەدى اسحات ايماعامبەتوۆ ءبىلىم جانە عىلىم مينيسترلىگىنىڭ اپپاراتتىق وتىرىسىندا. ءمينيستردىڭ ايتۋىنشا پەداگوگتى قوسىمشا قۇجات تولتىرۋعا مىندەتتەگەندەرگە ءىرى كولەمدە دەيىن ايىپپۇل سالۋ كوزدەلگەن.
«1 -ساۋىردەن باستاپ ءبىلىم ساپاسىن قاداعالاۋ دەپارتامەنتتەرى وسىنداي قۇزىرەتكە يە بولدى. ولار ارتىق قاعازباستىلىقتى مەن ءمۇعالىمدى مىندەتىنەن تىس جۇمىسقا تارتۋ ماسەلەسىن قاتتى قاداعالاۋى كەرەك. بۇل ماسەلەگە نۇكتە قويۋۋىمىز كەرەك. بالاباقشا، مەكتەپ، كوللەدج بولسىن - قاعازباستىلىقتان ارىلاتىن كۇن كەلدى. ناقتى بۇيرىق شىقتى. دايىن. ءتيىستى شارا قولداناتىن مەكەمەلەر بار. زاڭدا جانە اكىمشىلىك كودەكستە ءتيىستى نورمالار، سانكسيالار مەن ايىپپۇلدار قاراستىرىلدى. سوندىقتان بۇل ماسەلەنى كۇندەلىكتى ءوز باقىلاۋىمىزدا ۇستايتىن بولامىز. قاعازباستىلىق مۇلدە جويىلادى. بۇيرىق تىركەۋدەن ءوتتى. جەرگىلىكتى دەپارتامەنتتەر بۇل ماسەلەنى قاتاڭ باقىلاۋدا ۇستاۋى كەرەك»، - دەدى اسحات ايماعامبەتوۆ.
