قازاقستاندا شاش قيۋ باعاسى قانشا

بۇل تۋرالى قازاقپارات Finprom.kz-عا سىلتەمە جاساپ حابارلايدى. ەلدە جاريالانعان توتەنشە جاعدايعا بايلانىستى جۇمىستارىن توقتاتقان شاشتارازدار 4-مامىردان باستاپ جۇمىسقا كىرىستى. ەندى قازاقستاندىق تۇرعىندار شاش ۇلگىسىن قالپىنا كەلتىرە الادى.

شاشتارازدار اشىلعانمەن، سۇلۋلىق سالوندارى ءالى اشىلا قويعان جوق، سەبەبى باسقا قىزمەت تۇرلەرى ۇزاعىراق ۋاقىت الىپ، اۋرۋ جۇقتىرىپ الۋ قاۋپىن ارتتىرادى.

ق ر پرەمەر-ءمينيسترىنىڭ رەسمي سايتىندا كەزەك كۇتكەندەر جينالىپ قالماس ءۇشىن شاشتارازعا الدىن الا جازىلىپ قويۋ كەرەكتىگى تۋرالى جازىلعان. قازاقستاندا ايەلدەردىڭ شاشىن قيۋ ناۋرىز ايىنىڭ سوڭىندا ورتاشا ەسەپپەن 1900 تەڭگەنى قۇرادى. بۇل وتكەن ايمەن سالىستىرعاندا %0,4، ال وتكەن جىلدىڭ ناۋرىز ايىمەن سالىستىرعاندا %4,8 كوپ. شاش قيۋ الماتى تۇرعىندارى ءۇشىن 4,7 مىڭ تەڭگە، نۇر- سۇلتان تۇرعىندارى ءۇشىن 4 مىڭ تەڭگە.

ەلىمىزدە ەر ادامداردىڭ شاشىن قيۋ ايەلدەردىڭ شاشىن قيۋعا قاراعاندا ۇشتەن ءبىر بولىگىنە ارزان، ياعني 1300 تەڭگە. بۇل الدىڭعى ايمەن سالىستىرعاندا %0,5، ال وتكەن جىلدىڭ ناۋرىز ايىمەن سالىستىرعاندا %6,6 قىمبات. ەر ادامنىڭ شاشىن قيۋ الماتىدا ورتاشا ەسەپپەن 2800 تەڭگە بولسا، نۇر- سۇلتاندا 2100 تەڭگە. جالپى العاندا، شاشتاراز قىزمەتى ءبىر اي ىشىندە %0,2، ال ءبىر جىل ىشىندە %5,2 قىمباتتادى.

اۆتور: زارينا قاھارمان

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى