قازاقستاندىق «تىنىس» زاۋىتى وكپەنى جاساندى جەلدەتۋ اپپاراتتارىن شىعارۋدى ارتتىرادى
2020 -جىلعا ارنالعان وسى ءونىمنىڭ وندىرىستىك جوسپارى 15 ەسەدەن استامعا (500 دانا جيىنتىق ونىمگە دەيىن) ۇلعايتىلدى. قازىر زاۋىت جۇمىسشىلارى ەكى اۋىسىمدا جۇمىس ىستەپ جاتىر. بۇعان دەيىن زاۋىت جىلىنا 30 دانا جيىنتىق قوندىرعىلاردى شىعارىپ كەلگەنىن ايتا كەتۋ كەرەك. «تىنىس» - وكپەنى جاساندى جەلدەتۋگە ارنالعان قۇرىلعىلار شىعاراتىن قازاقستان رەسپۋبليكاسىنداعى جالعىز كاسىپورىن.
«كوكشەتاۋ-4پ» اپپاراتى ءوزىنىڭ سان قىرلى قىزمەتىن جەدەل جاردەم قىزمەتىندە دە، جانساقتاۋ بولىمىندە دە اتقارا بەرەدى. قازىردىڭ وزىندە 19 دانادان تۇراتىن اپپاراتتاردىڭ العاشقى پارتياسى ەلىمىزدەگى مەديتسينالىق مەكەمەلەرگە جەتكىزىلدى جانە 40-تان استامى قويمادا جونەلتىلۋگە دايىن تۇر. سونىمەن قاتار اتالمىش كاسىپورىن ماقتا ماتالارىنان قايتا پايدالانۋعا بولاتىن مەديتسينالىق ماسكالار ءوندىرىسىن يگەردى. بۇل قورعانىش زاتتارىمەن اقمولا وبلىسىنىڭ مەديتسينالىق، مەملەكەتتىك مەكەمەلەرى مەن جەكە كاسىپورىندارى قامتاماسىز ەتىلگەن.
ەستەرىڭىزگە سالا كەتەيىك، «تىنىس» شىعاراتىن نەگىزگى ونىمدەر - بۇل ۇشاقتارعا ارنالعان قوسالقى بولشەكتەر، ق ر كۇشتىك قۇرىلىمدارى ءۇشىن جەكە قورعانىس قۇرالدارى. سونداي- اق مۇناي- گاز، تەمىرجول سالاسى جانە ت. ب. ءۇشىن دە ارنايى ازاماتتىق ونىمدەر شىعارادى.
www.24.kz
