كوروناۆيرۋس: رەسەيدە جۇرگەن قازاقستاندىقتار ەلىمىزدىڭ قاي قالالارىنا جەتكىزىلەدى
«دەنساۋلىق ساقتاۋ مينيسترلىگى سىرتقى ىستەر مينيسترلىگىمەن بىرلەسىپ، رەسەيدە جۇرگەن ءبىزدىڭ ازاماتتاردى قايتارۋ ماسەلەسىن پىسىقتاۋدا. وسى ورايدا بىرلەسكەن جوسپار ازىرلەنىپ، وندا ازاماتتارىمىزدى اۋە، تەمىرجول كولىكتەرىمەن ءارى اۆتوبۋس ارقىلى الىپ كەلۋ قاراستىرىلعان. قازىرگى كەزدە ءتىزىم مەن قوزعالىس باعدارلارى ناقتىلانۋدا. ازىرگە، وسى باعدارلار نۇر- سۇلتانعا، الماتىعا، شىمكەنتكە، قوستانايعا جانە اقتاۋعا باعىتتالعان. بۇل سوڭعى ءتىزىم ەمەس، سەبەبى باعدارلار مەن ازاماتتار سانى ءالى دە پىسىقتالۋدا»، - دەدى ا. ەسماعامبەتوۆا ونلاين باسپا ءسوز ءماسليحاتىندا.
ونىڭ سوزىنە قاراعاندا، قازاقستانعا ورالعىسى كەلەتىن بارلىق ازاماتتار ەلشىلىكتىڭ كومەگىنە جۇگىنەدى. وسىدان كەيىن ەلشىلىك سىرتقى ىستەر مينيسترلىگىمەن بەرگە ءتىزىم قۇرادى. سايكەسىنشە، ازاماتتار جەتكىزىلەتىن كولىك ءتۇرى ايقىندالادى. بۇدان بۇرىن حابارلانعانداي، مامىر ايىندا رەسەيدەن 6 مىڭنان اسا ازاماتىمىزدى الىپ كەلۋ جوسپارلانۋدا.
اۆتور: رۋسلان عابباسوۆ
