ەلوردالىق وقۋشىلارعا بيىلعى وقۋ جىلىنىڭ قورىتىندىسى بويىنشا باعا قالاي قويىلادى
«ءبىلىم جانە عىلىم مينيسترلىگىنىڭ بۇيرىعىنا سايكەس، بيىل 9-شى جانە 11- سىنىپتارعا قورىتىندى اتتەستاتتاۋ بولمايدى. قورىتىندى باعالار جىلدىق ناتيجەلەر بويىنشا قويىلادى. اپتاسىنا 2 جانە ودان كوپ ساعات جۇكتەمەمەن وقۋ پاندەرى بويىنشا ب ج ب (ءبولىم بويىنشا جيىنتىق باعالاۋ) وتكىزۋ مەرزىمى - 2020 -جىلى 4 -11 - مامىر ارالىعىندا، ال اپتاسىنا 1 ساعات جۇكتەمەمەن وقۋ پاندەرى بويىنشا ب ج ب وتكىزۋ مەرزىمى 2020 -جىلدىڭ 11-15 - مامىر ارالىعىندا وتەدى»، - دەدى شولپان قادىروۆا باسپا ءسوز ءماسليحاتىندا.
توقسان بويىنشا جيىنتىق باعالاۋ (ت ج ب) 1 رەت وتەدى. وتكىزۋ ۋاقىتى ب ج ب بويىنشا 20، ت ج ب بويىنشا 40 مينۋتتى الادى. «1-4 - سىنىپ وقۋشىلارى ءۇشىن ب ج ب جانە ت ج ب وتكىزۋ ۋاقىتى شەكتەلمەيدى. ب ج ب جانە ت ج ب سانى ءبىر كۇندە ءۇش جيىنتىق جۇمىستان اسپاۋى ءتيىس. كوركەم ەڭبەك، ءوزىن- ءوزى تانۋ، مۋزىكا، دەنە شىنىقتىرۋ، بيزنەس جانە كاسىپكەرلىك نەگىزدەرى، گرافيكا جانە جوبالاۋ، قوعامتانۋ، ءدىنتانۋ پاندەرى بويىنشا ءبولىم بويىنشا باعالاۋ جانە توقسان بويىنشا باعالاۋ بولمايدى. ب ج ب جانە ت ج ب وتكىزۋ ءۇشىن پەداگوگ جيىنتىق جۇمىستىڭ وقۋ تاپسىرمالارىن جۇكتەپ، جيىنتىق جۇمىستى تاپسىرۋ ءۇشىن سىنىپ وقۋشىلارىنىڭ كىرۋىن جانە ءارتۇرلى بايلانىس قۇرالدارىمەن قامتاماسىز ەتە وتىرىپ ءبىلىم بەرۋ پلاتفورمالارىن پايدالانا الادى»، - دەدى ول.
كۇندەلىك.kz جانە كەز كەلگەن قولجەتىمدى بايلانىس قۇرالدارى (ەلەكتروندىق پوشتا، چات) ارقىلى ءبىلىم الۋشىلارمەن، بالانىڭ اتا- انالارىمەن نەمەسە زاڭدى وكىلدەرىمەن ەلەكتروندىق فورماتتاعى پىكىر الماسۋ بويىنشا كەرى بايلانىس ورناتىلادى.
اۆتور: ايان بەكەن ۇلى
