ەلوردادا شاشتاراز بەن دۇكەندەر قالاي جۇمىس ىستەپ جاتىر
قازاقپارات ءتىلشىسى ەلورداداعى كيىم- كەشەك دۇكەنى، شاشتاراز جانە گۇل ساتاتىن ورىنداردىڭ جۇمىس كۇنى قالاي ءوتىپ جاتقانىن ءبىلىپ قايتتى.
كيىم- كەشەك
«Cotton» كيىم- كەشەك دۇكەنى ناۋرىز ايىنىڭ 20- كۇنى كارانتينگە جابىلىپ، بۇگىن اشىلدى. «كيىم- كەشەك دۇكەندەرى 4 -مامىردا اشىلاتىنىن ەكى كۇن بۇرىن ەستىدىك. كەشە دۇكەننىڭ ءىشىن جينادىق. بيىل كارانتينگە بايلانىستى جاڭا ماۋسىمنىڭ تاۋارلارى كەلە الماي قالعان، ەندى بىرتىندەپ كەلە باستايدى»، - دەيدى «Cotton» كيىم جانە اياق كيىمدەر دۇكەندەر جەلىسىنىڭ اكىمشىسى گۇلجانات قامباروۆا.
ونىڭ ايتۋىنشا، كارانتيننەن كەيىن اياق كيىم، فۋتبولكالار جاقسى ءوتىپ جاتىر.
«ەلوردا بويىنشا Cotton نىڭ 40 قا جۋىق بولىمشەسى بار. تاڭعى 09:00 دەن باستاپ كەشكى 17:00 گە دەيىن جۇمىس ىستەپ جاتىرمىز. كارانتينگە دەيىن ەكى اۋىسىمدا، تۇنگى ساعات 22:00 گە دەيىن جۇمىس ىستەيتىنبىز. قازىرگى ۋاقىتتا ءبىر اۋىسىمدا 8 ادام جۇمىس ىستەپ جاتىرمىز. دۇكەننىڭ كىرەبەرىسىنە مەديتسينالىق ماسكاسىز كىرۋگە بولمايتىنى تۋرالى جازىپ قويدىق. ەسىكتىڭ قاسىندا جانە كاسسادا انتيسەپتيك بار. وسى جەردەگى ساتۋشىلار دا مەديتسينالىق ماسكا مەن قولعاپ كيىپ ءجۇر» ، - دەيدى ول.
گۇلدەر
«گۇلدەر» دەپ اتالاتىن گۇل ساتاتىن ورىنداردىڭ ءبىرى بۇگىن جۇمىس ىستەۋگە دايىندىق جۇمىستارىن باستاپ كەتكەن.
«بۇل جەردى جالعا الىپ وتىرعانىما 1 جىلداي بولىپ قالدى. جاڭا گۇلدەر ەرتەڭ كەلەدى دەپ كۇتىپ وتىرمىن. ازىرگە كارانتينگە دەيىنگى بولمە گۇلدەرى عانا تۇر. كارانتين كەزىندە كۇنىنە 20 شاقتى گۇل ءولىپ قالاتىن. جايقالىپ تۇرعان بولمە گۇلدەرى ۋاقىت وتە كەلە ءشىري باستادى»، - دەيدى گۇل ساتاتىن ورىندى جالعا الۋشى گۇلنۇر سەيتقوجينا.
«بالاما اي سايىن 9600 تەڭگە اليمەنت الامىن، سول ءۇشىن ماعان 42500 تەڭگە كولەمىندە الەۋمەتتىك كومەك بەرىلمەدى. بۇل جەردى جالعا بەرۋشى كارانتين ۋاقىتىندا اقشا العان جوق. ول ءبىز ءۇشىن ۇلكەن كومەك بولدى. ال گۇل ساتىپ الۋشىلارعا قاتىستى ايتار بولسام، ولار ازىرگە گۇل بار- جوعىن ءبىلۋ ءۇشىن ماعان حابارلاسىپ سۇرايدى. انتيسەپتىك بار جانە كەلگەن ادامدار ونى قولدانۋى كەرەك»، - دەيدى ول.
AsNur گۇل ساتۋ دۇڭگىرشەگىنىڭ ساتۋشىسى كارانتين جاريالانار كەزدە بارلىق گۇلدى ساتىپ جىبەرگەنىن ايتتى.
«كارانتين رەجيمى جاريالانعاننان كەيىن بىردەن جابىلىپ، بۇگىن قايتا اشىلدىق. كارانتين جاريالانعان كەيىن ەكى- ءۇش كۇن ۇيگە جەتكىزىپ بەرۋ قىزمەتىن كورسەتىپ، گۇلدەردى تۇگەل وتكىزىپ جىبەردىك»، - دەدى AsNur گۇل ساتۋ دۇڭگىرشەگىنىڭ ساتۋشىسى ايدوس ءابدىحالىقوۆ. ول بۇگىن ەكى ادام گۇل ساتىپ العانى تۋرالى ايتتى.
«ەكى ادامنىڭ ءبىرى گۇلدى تۋعان كۇن يەسى ءۇشىن، ەكىنشىسى ومىرگە ءسابي اكەلگەن كەلىنشەگىنە الدى. دۇڭگىرشەك كۇن سايىن حلورمەن جۋىلادى. كىرەبەرىسكە انتيسەپتيك قويدىق، كىرگەن ادام ونىمەن قولىن تازالاۋعا مىندەتتى»، - دەيدى ول.
شاشتاراز
«ماحاببات» ءسان سالونىنىڭ يەسى ەگدە جاستا بولعاندىقتان، كارانتين رەجيمىن قاتتى ساقتاعانىن ايتتى.
«ءبىز ناۋرىزدىڭ 18 ىنەن باستاپ جابىلىپ، شاشتارازدار تۋعان جەرلەرىنە قايتتى. بۇگىن جۇمىسقا شىعۋعا رۇقسات بەرگەن سوڭ قۋانا شىعىپ وتىرمىز. ازىرگە ءبىر امبەباپ جانە ءبىر ايەلدەردىڭ شاشىن قياتىن شاشتاراز جۇمىس ىستەپ جاتىر، سەبەبى جۇمىس ىستەگەن كەزدە 1,5 مەتر ارا قاشىقتىق ساقتالۋى كەرەك. مانيكيۋر جاسايتىن شەبەر دە بار، ءبىراق ولارعا جۇمىسقا شىعۋعا ازىرگە رۇقسات جوق»، - دەيدى «ماحاببات» سۇلۋلىق سالونىنىڭ يەسى ءاليا مۇقاجانوۆا.
كارانتين كەزىندە ءسان سالونىندا جۇمىس ىستەگەن ادامدار 42500 تەڭگە كولەمىندە الەۋمەتتىك تولەم العان.
«بۇل جەردە جۇمىس ىستەۋگە بارلىق جاعداي جاسالعان. ەگەر شاشىن قيدىرۋعا كەلگەن ادامدا مەديتسينالىق ماسكا مەن قولعاپ بولماسا - ونى ءوزىمىز بەرەمىز. اراسىندا كۆارتس قوسامىز. شاش قيدىراتىن ادام الدىن الا حابارلاسىپ، جازىلىپ قويادى. وسى ۋاقىتقا دەيىن ءتورت ادام كەلدى. ساعات 10:00 دەن كەشكى 17:00 گە دەيىن جۇمىس ىستەيمىز. بۇل جەردە ءبىر- ءبىرىن كۇتىپ وتىرۋعا بولمايدى. ءوزىم دە ەگدە جاستاعى ادام بولعاندىقتان ساقتىق شارالارىن قاتتى قاداعالايمىن. بۇل ورىندى جالعا بەرۋشى بىزدەن ءۇش اي بويى جالعا بەرۋ اقىسىن المايدى، بۇل ءبىز ءۇشىن ۇلكەن كومەك»، - دەيدى ول.
ەسكە سالا كەتسەك، بۇگىننەن باستاپ بارلىق وڭىرلەردە جۇمىسقا كىرىسەتىن كاسىپكەرلىك سۋبەكتىلەرىنىڭ قىزمەت تۇرلەرىنىڭ ءتىزىمى بەكىتىلدى: اۋماعى 500 ش. م. دەيىن بولاتىن ازىق- تۇلىكتىك ەمەس دۇكەندەر ساعات 17:00 گە دەيىن (بارلىق تۇرلەرى) ؛ فوتوسالوندار، گۇل ساتاتىن دۇڭگىرشەكتەر؛ شاشتارازدار (جازىلۋ بويىنشا) ؛ مەديتسينا ورتالىقتارى (جازىلۋ بويىنشا) ؛ ستوماتولوگيالىق كلينيكالار (جازىلۋ بويىنشا) ؛ جىلجىمايتىن مۇلىكپەن وپەراتسيالاردى جۇزەگە اسىراتىن كومپانيالار، جارناما اگەنتتىكتەرى، ادۆوكاتتار، نوتاريۋستار، شاعىن قارجى ۇيىمدارى، ساقتاندىرۋ كومپانيالارى، لومباردتار، ايىرباستاۋ پۋنكتتەرى، اقپاراتتىق- كوممۋنيكاتسيالىق تەحنولوگيالار كومپانيالارى.
