باس مەملەكەتتىك سانيتارلىق دارىگەر قازاقستاندىقتارعا العىس ايتتى

«سوڭعى ەكى اپتادا ەلىمىز بويىنشا جاعداي تۇراقتالعانى كورىنىپ تۇر. اۋرۋعا شالدىعۋدىڭ ءوسىمى 7 پايىزدان اسپايدى. ەگەر ناۋرىزدا ينفەكتسيانى جۇقتىرۋ بايلانىستا بولعان ادامدار مەن سىرتتان كەلگەندەر اراسىنان تىركەلسە، ساۋىردە پروفيلاكتيكالىق تەستىلەۋگە كوشتىك. ءساۋىر ايىندا تىركەلگەن بارلىق وقيعالاردىڭ 52 پايىزى نەمەسە 1862 جاعداي پروفيلاكتيكالىق تەستىلەۋمەن بايلانىستى بولدى»، - دەدى ا. ەسماعامبەتوۆا. ونىڭ سوزىنە قاراعاندا، پروفيلاكتيكالىق تەستىلەۋدىڭ ماقساتى - ول جاسىرىن وشاقتاردى ايقىنداۋ.

ەگەر وسى تەستىلەۋ بولماسا، وندا ىندەت جۇقتىرعاندارمەن بايلانىستا بولعاندار سانى ارتىپ، كوروناۆيرۋسقا شالدىققاندار سانى وسەر ەدى.

«پروفيلاكتيكالىق تەستىلەۋ ناتيجەسى ءتيىستى جۇمىستى جۇرگىزۋدىڭ ماڭىزدىلىعى مەن قاجەتىن بايقاتىپ وتىر. جالپى، كارانتيندىك شارالار ءوزىنىڭ ناتيجەسىن بەردى. ەكى اپتانىڭ بارىسىندا تۇراقتى ەپيدەميولوگيالىق جاعدايدى تىركەدىك. كارانتين تالاپتارىن ساقتاۋ بويىنشا دەنساۋلىق ساقتاۋ مينيسترلىگى نۇسقاۋلارىن ورىنداعان ءار قازاقستاندىققا العىس ايتقىم كەلەدى» ، - دەدى قازاقستاننىڭ باس مەملەكەتتىك سانيتارلىق دارىگەرى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى