وسكەمەندە ەرتىستىڭ بويىمەن كاتەر جۇرەتىن بولادى

«بەلالەكس» كومپانياسى مەن «ۆوياج» تۋريستەرگە ارنالعان فيرماسى قولعا العان جوباعا قالا اكىمدىگى قولداۋ بىلدىرگەن.

ەندى تۇرعىندار وزەن ۆوكزالى ماڭىنان «سامال» ساياباعىنا كاتەرمەن جەتە الادى.

«بەلالەكس» كومپانياسىنىڭ ديرەكتورى ولەگ بەلوۆتىڭ ايتۋىنشا، اۋەل باستا 3 كاتەر قاتىنايتىن بولادى. ونىڭ ءارقايسىسىنا 30 ادامنان سىيادى.

«وسى سياقتى كاتەر سەمەيدە دە جۇرەدى. بۇل تۋريزدى دامىتۋعا بىردەن-ءبىر مۇمكىندىك. دەمالىس كۇندەرى باسقا باعىتتاردا قاتىنايمىز»، - دەيدى ول.

جوسپار بويىنشا كاتەرلەر 9- مامىردا جۇرە باستاماق. وسكەمەن قالاسىنىڭ اكىمى جاقسىلىق ومار كاتەرمەن سول جاعالاۋ مۋزەي-ساياباعىنا دا ايالداۋعا ۇسىنىس جاسادى.

«كاتەرلەر ەڭ ءبىرىنشى وزەن ۆوكزالى مەن «سامال» ساياباعى اراسىندا جۇرەدى. كەيىننەن سول جاعالاۋ مۋزەي-ساياباعىندا ايالداما جاسايمىز. بۇل جوبا نەگىزىنەن وتكەن جىلى باستالعان. ارى قاراي ونى دامىتا ءتۇسۋىمىز كەرەك»، - دەدى شاھار باسشىسى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى