جامبىلدىقتار تۇركىستان وبلىسىنا ازىق-تۇلىك، كيىم-كەشەك جىبەردى

جامبىل وبلىسىنىڭ اكىمدىگى تۇركىستان وبلىسىنىڭ سۋ باسقان ايماقتارىنا گۋمانيتارلىق كومەك كورسەتتى.

جەكسەنبى، 3- مامىر كۇنى ازىق-تۇلىك جانە العاشقى كەزەكتەگى قاجەتتىلىگى بار تاۋارلار تيەلگەن جۇك كولىكتەرى كورشى وبلىسقا اتتاندى.

«جەرگىلىكتى كاسىپكەرلەردىڭ قولداۋىمەن 30 توننا ازىق-تۇلىك ونىمدەرى جينالدى. ونىڭ ىشىندە 10 توننا ۇن مەن كۇرىش، 5 توننا قانت، 2 توننا ماكارون جانە وسىمدىك مايى، 1 توننا قاراقۇمىق بار. سونىمەن قاتار، قيىن جاعدايعا تاپ بولعان وتانداستارىمىزعا ارنالعان گۋمانيتارلىق كومەككە 10 مىڭعا جۋىق تاۋارلار ، اتاپ ايتساق اياق-كيىم، فۋتبولكالار، جەيدەلەر، شالبارلار، بالالار كيىمدەرى، توسەك-ورىن جابدىقتارى جانە باسقا دا زاتتار جينالدى»، - دەدى جامبىل وبلىسى اكىمىنىڭ ورىنباسارى نۇرجان كالەندەروۆ.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى