فرانسياداعى ءورت مەديتسينالىق ماسكالار قويماسىن جويىپ جىبەردى
Le Parisien گازەتىنىڭ جازۋىنشا، قويمالاردىڭ بىرىندە مەديتسينالىق ماسكالار بولعان. ازىرگە ورتەنگەن ماسكالار سانى دا، كەلتىرىلگەن شىعىن سوماسى دا حابارلانباي وتىر. بەلگىلىسى، ءورت شامامەن جەرگىلىكتى ۋاقىت بويىنشا ساعات 05:00- تە ماسكالار قويماسىندا باستالىپ، كەيىننەن وزگە عيماراتتاردى شارپىعان. بۇل اۋماقتا نەگىزىنەن ازيادان اكەلىنەتىن كوتەرمە ساۋدا دۇكەندەرىنىڭ ونىمدەرى ساقتالاتىن بولعان. الدىن الا دەرەكتەرگە قاراعاندا، زارداپ شەككەندەر جوق. ءتىلسىز جاۋ بىرنەشە ساعاتتان كەيىن اۋىزدىقتالعان. ءورتتىڭ شىعۋ سەبەپتەرى ءالى انىقتالعان جوق، پوليتسيا ادەيى ورتەۋ مۇمكىندىگىن جوققا شىعارماي وتىر.
