مەملەكەت باسشىسى: قازاقستان سوعىس كەزىندە ارميانى جاراقتاندىرۋدا نەگىزگى رولگە يە بولدى

«شىنىندا دا قازاقستانعا سوعىستىڭ العاشقى ايلارىندا رەسەي، ۋكراينا، بەلارۋس ايماقتارىندا وككۋپاتسيالانعان ءىرى وندىرىستىك كاسىپورىنداردىڭ ءبارى كوشىرىلدى. ءتۇستى مەتاللۋرگيا، جەڭىل جانە تاماق ونەركاسىبى، تىگىن ونەركاسىبى بولاتىن ولار. قازاقستانعا وسىلايشا 220 زاۋىت پەن فابريكا ەۆاكۋاتسيالاندى. نەلىكتەن وسى ءرول قازاقستانعا جۇكتەلدى؟ مەنىڭ ويىمشا، بىرنەشە فاكتور شەشۋشى رولگە يە بولعان سەكىلدى. ەڭ الدىمەن، رەسپۋبليكانىڭ ونەركاسىپتىك- يندۋستريالىق الەۋەتى مىقتى ەدى. تابيعي بايلىق قازاقستانعا سوعىسقا دەيىن- اق قۋاتتى وتىن- ەنەرگەتيكالىق شيكىزات بازاسىن قالىپتاستىرۋعا مۇمكىندىك بەردى. تەمىر جول جەلىسى دە جولعا قويىلعانىن ۇمىتپاۋ كەرەك. «تۇركسىبتىڭ» ءوزىن ەسكە الا بەرىڭىز. قازاقستاننىڭ گەوگرافيالىق ورنالاسۋى دا ماڭىزدى ءرول اتقاردى. ولار اسكەري قيمىلدان الىس جاتقان بولاتىن»، - دەدى پرەزيدەنت.

مەملەكەت باسشىسى وسى رەتتە قازاقستان ارميانى جاراقتاندىرۋدا نەگىزگى رولگە يە بولعانىن ءمالىم ەتتى. «مايداندا اتىلعان ون وقتىڭ توعىزى قازاقستان جەرىندە شىعارىلدى. مايدانعا 1500 ۆاگون كيىم- كەشەك پەن ازىق- تۇلىك جىبەردىك. باسقاشا ايتقاندا، جەڭىسكە جەتۋ جولىندا ءبىزدىڭ قوسقان ۇلەسىمىز ايقىن ەدى. قازاقستاندا تەاتر قايراتكەرلەرىنىڭ كوبى شىعارماشىلىقپەن اينالىسا الدى. كينەماتوگرافيستەر مەن مۋزىكانتتار، اقىندار مەن جازۋشىلار كوپ بولدى. ءدال وسى ەلدە كىتاپتار جازىلىپ، فيلمدەر ءتۇسىرىلدى، سوۆەت وداعىنىڭ تانىمال مادەنيەت قايراتكەرلەرى تەاتر قويىلىمدارىن قويدى. ونىڭ ىشىندە سەرگەي ەيزەنشتەين، الەكسەي تولستوي، كونستانتين سيمونوۆ، سەرگەي پروكوفيەۆ، گالينا ۋلانوۆا مەن تاعى باسقا ادامدار بار ەدى. «الەكساندر نيەۆسكي» اتتى ايگىلى فيلم دە الماتىدا ءتۇسىرىلدى»، - دەدى پرەزيدەنت.

اۆتور: ايان بەكەن ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى