وزبەكستاندا ساردوبا سۋ قويماسىنىڭ بوگەتى جارىلىپ، تۇرعىندار ەۆاكۋاتسيالاندى
ەلدى مەكەندەرگە، كوممۋنيكاتسيالىق جەلىلەرگە، ەگىستىكتەرگە زاقىم كەلگەن، دەپ حابارلايدى «قازاقپارات» ح ا ا وزبەكستاننىڭ ۇلتتىق اقپارات اگەنتتىگىنە سىلتەمە جاساپ.
سۋ قويماسىنا جاقىن ماڭداعى ماحاللالاردىڭ تۇرعىندارى ەۆاكۋاتسيالانىپ، مەكتەپتەرگە، كوللەدجدەرگە، كاسىپورىندارعا ورنالاستىرىلدى. ولاردىڭ ءبىر بولىگىنە باسقا ماحاللالاردىڭ تۇرعىندارى پانا بولدى. ەل پرەزيدەنتى شاۆكات ميرزييەۆ اپات بولعان جەرگە كەلىپ، قاۋىپسىز جەرگە كوشىرىلگەن تۇرعىندارمەن جۇزدەستى. ول بارلىق جاپا شەككەن ادامدارعا كومەك كورسەتىلەتىنىن، باسپانامەن، ازىق- تۇلىكپەن قامتىلاتىنىن اتاپ ءوتتى. سونداي- اق، ۇكىمەتتىك كوميسسيا قۇرىلىپ، اپاتتىڭ زاردابىن جويۋ شارالارى قولعا الىندى. قازىرگى ساتتە بوگەتتەن سۋ اعۋى توقتادى. ارنادان اسقان سۋ اقالتىن اۋدانىنداعى اباي كانالىمەن جيزاق وبلىسىنداعى ارناساي كولىنە اعىزىلدى.
