توقايەۆ ت م د تاعدىرىنا قاتىستى پىكىر ءبىلدىردى
«قازاقستان - تاۋەلسىز مەملەكەتتەر دوستاستىعى اياسىنداعى پوستكەڭەستىك كەڭىستىكتەگى ەكونوميكالىق جانە باسقا دا بايلانىستاردىڭ ناقتى جاقتاسى. بارلىعىنا بەلگىلى بولىپ وتىرعانداي، ەكونوميكا ت م د مەملەكەتتەرى ەكونوميكالىق ىنتىماقتاستىعىنىڭ لوكوموتيۆى سانالادى. دوستاستىقتاعى ساۋدا- ەكونوميكالىق بايلانىستاردى كەڭەيتۋ اسىرەسە قازىرگى جاعدايدا كۇن تارتىبىندەگى باسىم مىندەت بولىپ وتىر. ساۋدا سالاسىنداعى ءبىزدىڭ ءوزارا ءىس- قيمىل تەتىكتەرىمىز 2011 -جىلى قول قويىلعان ەركىن ساۋدا ايماعى تۋرالى شارت اياسىندا قامتاماسىز ەتىلگەن. كوپ جاعدايدا وسى قۇجاتتىڭ ارقاسىندا ءبىزدىڭ ساۋدا- ەكونوميكالىق قارىم- قاتىناسىمىز جاڭا دەڭگەيگە كوتەرىلدى»، - دەدى مەملەكەت باسشىسى.
ماسەلەن، ق ر پرەزيدەنتىنىڭ مالىمەتىنشە، قازاقستان تاۋار اينالىمىنىڭ ورتاشا ەسەپپەن 25 پايىزى ت م د بويىنشا سەرىكتەستەرىنە تيەسىلى بولىپ تۇر. كەيبىر مەملەكەتتەر ءۇشىن بۇل كورسەتكىش 60 پايىزعا دا جەتىپ قالادى. 2018 -جىلى ت م د ىشىندەگى تاۋار اينالىمى 191 ميلليارد دوللاردان اسىپ جىعىلىپ، 12 پايىزعا جۋىق ءوسىم كورسەتتى. وڭ تەندەنتسيا وتكەن جىلى دا بايقالدى.
«وكىنىشكە قاراي، بۇگىنگى كۇنى سىرتقى سەبەپتەردىڭ جانە قۇبىلمالىق حالىقارالىق نورمالاردىڭ ىقپالىمەن پروتەكتسيونيستىك ريتوريكا دوستاستىق مەملەكەتتەرى ءۇشىن دە نورماعا اينالىپ كەلەدى. ءوز وندىرۋشىلەرىن قورعاۋ ت م د اياسىندا قول جەتكىزىلگەن ۋاعدالاستىقتاردان جوعارى قويىلۋدا. مەنىڭشە، بۇل تەندەنتسيا پوستۆيرۋستىق كەزەڭدە كۇشەيە ءتۇسۋى مۇمكىن. بۇگىندە ىندەتتەن تۋىنداعان جاھاندىق داعدارىس جاعدايىندا جانە شيكىزاتتىق تاۋارلار باعاسىنىڭ قۇلدىراۋى اياسىندا ەۋرازيالىق ەكونوميكالىق وداق اياسىنداعى باستى مىندەت ەكونوميكالىق جانە ساۋدا بايلانىستاردى ساقتاۋ بولىپ وتىر»، - دەدى مەملەكەت باسشىسى.
قازاقستان پرەزيدەنتى اتالعان وداق اياسىندا كاپيتالدى ىلگەرىلەتۋ، قىزمەتتەر، جۇمىس كۇشى، جانە ساۋدا ەركىندىگى بار ەكەنىن باسا ايتتى.
«ەندىگى ۋاقىتتا ساۋدا 4 ەركىندىكتىڭ باستىسىنا اينالادى. وكىنىشكە قاراي، داعدارىس كەزىندە ىشكى نارىقتاردا جاڭا كەدەرگىلەر پايدا بولادى. قازىرگى كەزەڭدە ودان قاشىپ قۇتىلا دا المايتىن سياقتىمىز. ءبىراق، ولاردىڭ ۋاقىتشا ەكەنى جانە قارىم- قاتىناستارىمىزدىڭ نورماسىنا اينالماۋى ماڭىزدى. بىرلەسكەن جوبالاردى قارجىلاندىرۋ ءۇشىن بىرىككەن جوبامىز - ەۋرازيالىق دامۋ بانكىنىڭ مۇمكىندىكتەرىن ءتيىمدى پايدالانۋىمىز قاجەت. اسىرەسە، پوستداعدارىس كەزەڭىندە»، - دەدى قاسىم- جومارت توقايەۆ.
