شىعىس قازاقستان وبلىسىندا مامىردان باستاپ بارلىق ساياباقتار اشىلادى
بۇل جايلى ايماق باسشىسى دانيال احمەتوۆ Facebook-تەگى پاراقشاسىندا جازدى.
«1- مامىردان باستاپ وڭىردەگى بارلىق ساياباقتار اشىلادى. 29- ساۋىردە وسكەمەندەگى دەمالىس ورىندارىنىڭ دايىندىعىن تەكسەرىپ، ۆولونتەرلەرمەن بىرگە جامبىل ساياباعىندا اعاشتار وتىرعىزدىق. كەلەسى ايدا اتا-انالارعا بالالارىمەن بىرگە سەرۋەنگە شىعىپ، ساياباقتاردا قىدىرىپ، تازا اۋادا دەنە شىنىقتىرىپ، الاڭقايلاردا ويناۋعا رۇقسات ەتىلەدى. الايدا ازىرگە بۇنىڭ ءبارى تەك بەرىلگەن رۇقسات قاعازدارى جانە الەۋمەتتىك قاشىقتىقتى ساقتاۋ ارقىلى عانا مۇمكىن بولماق»، - دەيدى اكىم.
ونىڭ ايتۋىنشا، 4- مامىردان باستاپ كارانتين شارالارى كەزەڭ-كەزەڭىمەن جەڭىلدەتىلەدى.
وسىلايشا، ءبىرقاتار كاسىپكەرلىك نىساندارعا سانيتارلىق-ەپيدەميولوگيالىق جانە دەزينفەكتسيالىق شارالاردى قاتاڭ ساقتاي وتىرىپ ءوز جۇمىسىن قايتا باستاۋىنا رۇقسات بەرىلمەك.
«سونىمەن قاتار 4- مامىردان ەكى باعىت بويىنشا - نۇر-سۇلتان مەن الماتىعا اۋە قوزعالىسىن اشۋدى جوسپارلاپ وتىرمىز. ۋايىمداۋدىڭ قاجەتى جوق، ۇشۋ بارىسىندا بارلىق جولاۋشىلار پ ت ر ادىسىمەن تەستىلەۋدەن وتكىزىلەدى. بۇدان بولەك، مەنىڭ تاپسىرمام بويىنشا ءبىزدىڭ قالالارعا كەلەتىن بارلىق ادامدار مىندەتتى تۇردە قوسىمشا ەكسپرەسس تەستىلەۋدەن وتەدى»، - دەيدى دانيال احمەتوۆ.
