قورداي وقيعاسى بويىنشا ۇستالعان كۇدىكتى تەرگەۋ يزولياتورىندا ءولى كۇيىندە تابىلدى
«بۇگىن، 29 -ءساۋىر كۇنى، تاڭعى ساعات 08.00 دە الماتى قالاسىنىڭ تەرگەۋ يزولياتورىندا تەرگەۋ بارىسىنا قاماۋعا الىنعان قيبايەۆ بەكبول مۇحامەد ۇلىن كامەرادا بىرگە وتىرعان ادامدار سول جاق قولىنىڭ بىلەك تۇسى كەسىلگەن كۇيىندە دارەتحانادان تاۋىپ الدى. وعان يزولياتوردىڭ مەديتسينالىق قىزمەتكەرلەرى بىردەن العاشقى مەديتسينالىق كومەك كورسەتتى. الايدا، ونى قۇتقارىپ قالۋ مۇمكىن بولمادى. شاقىرتۋ بويىنشا كەلگەن جەدەل جاردەم بريگاداسى ونىڭ قازا بولعانىن تىركەدى. ءولىمنىڭ الدىن الا سەبەبى - قاندى كوپ جوعالتۋ بولۋى مۇمكىن»، - دەلىنگەن باس پروكۋراتۋرانىڭ اقپاراتىندا.
ايتا كەتەيىك، ب. قيبايەۆ جامبىل وبلىسى قورداي اۋدانىندا بولعان جاپپاي تارتىپسىزدىككە قاتىسقانى ءۇشىن ۇستالىپ، تەرگەۋ يزولياتورىنا قامالعان ەدى.
«ونىڭ مەرت بولۋ فاكتىسى بويىنشا الماتى قالاسىنىڭ ارنايى پروكۋرورلارى سوتقا دەيىنگى تەرگەپ- تەكسەرۋ جۇرگىزىپ جاتىر. ورىن العان جاعداي بويىنشا بارلىق ءمان- جايلار وبەكتيۆتى زەرتتەلىپ، جۇرتشىلىققا جەتكىزىلەتىن بولادى» ، - دەدى ق ر باس پروكۋراتۋرانىڭ باسپا ءسوز قىزمەتىنەن.
