ش ق و-داعى ءبىرقاتار ورىننىڭ سوۆەتتىك اتاۋى وزگەردى

«شىعىس قازاقستان وبلىسىنىڭ كەيبىر وبەكتىلەرىنە اتاۋ بەرۋ جانە قايتا اتاۋ تۋرالى» قازاقستان رەسپۋبليكاسى ۇكىمەتىنىڭ 2020 -جىلعى 23-ساۋىردەگى №241-قاۋلىسىمەن ءبىرقاتار نىسانعا اتاۋ بەرىلدى. وسكەمەن قالاسىنداعى اعىلشىن ءتىلىن تەرەڭدەتىپ وقىتاتىن №38-گيمنازياسىنا ليەۆ گۋميلەۆتىڭ ەسىمى، №39-ورتا مەكتەپكە ىبىراي التىنساريننىڭ ەسىمى، شىعىس قازاقستان گۋمانيتارلىق كوللەدجىنە ابايدىڭ ەسىمى بەرىلدى.

سەمەي حالىقارالىق اۋەجايىنا ابايدىڭ ەسىمى، سەمەيدە قالاسىنداعى №47-مەكتەپكە احمەت بايتۇرسىن ۇلىنىڭ، №37-گيمنازياعا ىبىراي التىنساريننىڭ، №39-ورتا مەكتەپكە ءاليحان بوكەيحاننىڭ، №34-مەكتەپكە باۋىرجان مومىش ۇلىنىڭ، №2-مەكتەپكە قانىش ساتبايەۆتىڭ ەسىمى بەرىلدى. شەمونايحا اۋدانىندا №5-مەكتەپكە احمەت بايتۇرسىن ۇلىنىڭ، №4-مەكتەپكە شاكارىمنىڭ ەسىمىمەن اتالدى.

سونىمەن قاتار، سەمەيدەگى پريگورود مەكتەبى جۇسىپبەك ايماۋىتوۆ اتىنداعى جالپى ورتا ءبىلىم بەرەتىن مەكتەپ بولىپ، بەسقاراعاي اۋدانىنداعى بەرەزوۆكا ورتا مەكتەبى بوزتال ورتا مەكتەبى، ۇلكەن ۆلاديميروۆكا ورتا مەكتەبى قايرات رىسقۇلبەكوۆ اتىنداعى ورتا مەكتەپ بولىپ وزگەرتىلدى. شەمونايحا اۋدانىنداعى «قىزىل شەمونايحا مەكتەبى» ىبىراي التىنسارين اتىنداعى مەكتەپ، «ميحايلوۆكا ورتا مەكتەبى» شوقان ءۋاليحانوۆ اتىنداعى مەكتەپ بولىپ وزگەردى.

سونداي-اق، «پراپورشيكوۆو مەكتەبى» دىنمۇحامەد قونايەۆ اتىنداعى مەكتەپ، «پەريەۆالوۆكا مەكتەبى» مالىك عابدۋللين اتىنداعى مەكتەپ، «بوبروۆكا مەكتەبى» احمەت بايتۇرسىن ۇلى اتىنداعى مەكتەپ، «ۋشانوۆ ورتا مەكتەبى» باۋىرجان مومىش ۇلى اتىنداعى، №2-اقسۋات ورتا مەكتەبى قوجاگەلدى باتىر اتىنداعى مەكتەپ بولىپ قايتا اتالدى.

ايتا كەتەرلىگى، ق ر پرەمەر-ءمينيسترى اسقار مامين قول قويعان قاۋلى رەسمي جاريالانعان كۇنىنەن باستاپ قولدانىسقا ەنگىزىلدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى