سىيلىق الۋعا تىيىم سالىناتىن لاۋازىمدى تۇلعالار تىزبەسى تولىقتىرىلادى
بۇل تۋرالى ق ر سىبايلاس جەمقورلىققا قارسى ءىس-قيمىل اگەنتتىگى ءتوراعاسىنىڭ ءبىرىنشى ورىنباسارى ولجاس بەكتەنوۆ ايتتى، دەپ حابارلايدى قازاقپارات ءتىلشىسى.
ول بۇگىن ءماجىلىستىڭ جالپى وتىرىسىندا «ق ر كەيبىر زاڭنامالىق اكتىلەرىنە سىبايلاس جەمقورلىققا قارسى ءىس- قيمىل ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن تانىستىرعان بولاتىن.
قۇجاتتا تۇزەتۋلەردىڭ 3 بلوگى قاراستىرىلعان. ءبىرىنشى بلوك سىبايلاس جەمقورلىق كورىنىستەرىن جۇيەلى تۇردە الدىن الۋ بويىنشا قوسىمشا تەتىكتەردى ەنگىزۋگە باعىتتالعان. ءتوراعا ءبىرىنشى ورىنباسارىنىڭ ايتۋىنشا، تۇزەتۋلەردىڭ ەكىنشى بلوگى ولقىلىقتار مەن قايشىلىقتاردى جويۋعا باعىتتالعان.
اكىمشىلىك قۇقىق بۇزۋ تۋرالى كودەكستىڭ «اكىمشىلىك سىبايلاس جەمقورلىق قۇقىق بۇزۋشىلىقتار» اتتى تاراۋىنىڭ 676، 677 جانە 678-باپتارىندا ولاردى ۇسىنعان تۇلعالاردىڭ پايداسىنا ءىس- ارەكەتتەرى ءۇشىن ماتەريالدىق سىياقى، سىيلىقتار، جەڭىلدىكتەر نە قىزمەتتەر كورسەتۋگە جانە قابىلداۋعا تىيىم سالىنعان تۇلعالاردىڭ تىزبەسى لاۋازىمدى تۇلعالار مەن جاۋاپتى مەملەكەتتىك لاۋازىمدى اتقاراتىن تۇلعالارمەن تولىقتىرىلۋدا.
«سىبايلاس جەمقورلىققا قارسى ءىس- قيمىل تۋرالى» زاڭدا سىبايلاس جەمقورلىق قۇقىق بۇزۋشىلىق تۋرالى اقپاراتى بار ادامنىڭ سىبايلاس جەمقورلىققا قارسى ءىس- قيمىل جونىندەگى ۋاكىلەتتى ورگاندى عانا ەمەس، سونداي-اق ءوز قۇزىرەتى شەگىندە سىبايلاس جەمقورلىق قۇقىق بۇزۋشىلىقتاردى انىقتاۋدى، جولىن كەسۋدى، اشۋدى، تەرگەۋدى جانە الدىن الۋدى جۇزەگە اسىراتىن باسقا دا مەملەكەتتىك ورگانداردى حاباردار ەتە الاتىندىعى كوزدەلگەن.
«تۇزەتۋلەردىڭ ءۇشىنشى بلوگى ۇلتتىق بيۋرونىڭ قازاقستان رەسپۋبليكاسىنىڭ سىبايلاس جەمقورلىققا قارسى ءىس- قيمىل اگەنتتىگىنە قايتا قۇرىلۋىنا، مەملەكەتتىك قىزمەت ىستەرى جانە سىبايلاس جەمقورلىققا قارسى ءىس- قيمىل اگەنتتىگى فۋنكتسيالارىنىڭ سىبايلاس جەمقورلىققا قارسى قىزمەتكە بەرىلۋىنە بايلانىستى. بىرىنشىدەن، «سىبايلاس جەمقورلىققا قارسى ءىس- قيمىل تۋرالى» زاڭدا «سىبايلاس جەمقورلىققا قارسى ءىس- قيمىل جونىندەگى ۋاكىلەتتى ورگان» ۇعىمى ناقتىلاندى. ەكىنشى، «سىبايلاس جەمقورلىققا قارسى ءىس- قيمىل تۋرالى» زاڭعا سىبايلاس جەمقورلىققا قارسى قىزمەتتىڭ مارتەبەسىنە قاتىستى رەداكتسيالىق سيپاتتاعى تۇزەتۋلەر ەنگىزىلۋدە.
ءۇشىنشى، اكىمشىلىك قۇقىق بۇزۋشىلىق تۋرالى كودەكستە سىبايلاس جەمقورلىققا قارسى قىزمەتتىڭ ۆەدومستۆولىق باعىنىستىلىعىنا قاتىستى باپتار ناقتىلاندى. ءتورتىنشى، «ۇلتتىق ارحيۆ قورى جانە ارحيۆتەر تۋرالى» زاڭدا ارنايى مەملەكەتتىك ارحيۆ قۇرىلاتىن مەملەكەتتىك ورگانداردىڭ تىزبەسىندە «مەملەكەتتىك قىزمەت ىستەرى جانە سىبايلاس جەمقورلىققا قارسى ءىس- قيمىل اگەنتتىگىنىڭ ۇلتتىق بيۋروسى» دەگەن سوزدەر «سىبايلاس جەمقورلىققا قارسى قىزمەت» دەگەن سوزدەرگە اۋىستىرىلدى»، - دەدى ولجاس بەكتەنوۆ.
ونىڭ دەرەگىنشە، زاڭ جوباسىمەن 3 كودەكسكە، 7 زاڭعا تۇزەتۋلەر ەنگىزىلۋدە. زاڭ جوباسى مۇددەلى مەملەكەتتىك ورگاندارمەن، پرەمەر- مينيستر كەڭسەسىمەن، پرەزيدەنت اكىمشىلىگىمەن، «اتامەكەن» ۇلتتىق كاسىپكەرلەر پالاتاسىمەن كەلىسىلدى. زاڭ جوباسىن قابىلداۋ تەرىس الەۋمەتتىك- ەكونوميكالىق جانە قۇقىقتىق سالدارعا، سونداي-اق مەملەكەتتىك بيۋدجەتتەن شىعىندارعا اكەپ سوقپايدى.
اۆتور: مارلان جيەمباي
