يتاليادا كوروناۆيرۋسپەن اۋىرعاندار سانى ەكى ءجۇز مىڭنان استى

دەپارتامەنتتىڭ مالىمەتىنشە، قازىرگى ۋاقىتتا يتاليادا COVID-19 ۆيرۋسىن 105205 ادام جۇقتىرعان. ال، ەلدە وسى ينفەكسيادان 27359 ادام كوز جۇمعان، سونداي-اق كوروناۆيرۋستان 68941 ادام ەمدەلىپ شىققان.

ينفەكسيا جۇقتىرعاندار، قايتىس بولعاندار جانە ساۋىعىپ شىققان ادامداردى قوسقاندا كوروناۆيرۋسپەن اۋىرعانداردىڭ جالپى سانى - 201505 ادام. دەپارتامەنت سونداي-اق قازىرگى ۋاقىتتا ينتەنسيۆتى تەراپيادا COVID-19 ۆيرۋسىن جۇقتىرعان 1863 پاتسيەنت جاتقانىن حابارلادى.

ايتا كەتەيىك، بۇل دۇيسەنبى كۇنگى كورسەتكىشتەن 93 ادامعا از. وسىلايشا يتاليادا پاندەميانىڭ تومەندەۋ قارقىنى جالعاسۋدا.

ەسكە سالا كەتەيىك، يتاليادا جاپپاي وقشاۋلاۋ رەجيمى 3-مامىرعا دەيىن ۇزارتىلعان بولاتىن. الايدا سەيسەنبىدەن باستاپ كىتاپ، كەڭسە تاۋارلارى مەن كيىم دۇكەندەرى اشىلا باستادى. زاۋىتتار جابىق. ەلدە مەكتەپتەر دە بيىلعى وقۋ جىلىنىڭ سوڭىنا دەيىن جابىق بولادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى