ۆاتساپتا سەگىز ادامدىق ۆيدەوسۇحباتتى قالاي پايدالانۋعا بولادى

جاڭا وزگەرىس iOs جانە Android-تا ەنگىزىلگەن، دەپ حابارلايدى قازاقپارات ixbt.com سايتىنا سىلتەمە جاساپ. ايگىلى WhatsApp مەسسەندجەرىن جاساپ شىعارۋشىلار كومانداسى قاراپايىم پايدالانۋشىلار ءۇشىن ۆيدەوقوڭىراۋ شالۋ كەزىندە وعان قاتىسۋشىلار سانىن كوبەيتتى.

سوڭعى ۋاقىتتا بۇل قىزمەت ءتۇرى جەلىدە كوپ تالقىلانعان. بۇعان دەيىن وسى فۋنكسيا قوسىمشانىڭ بەتا-نۇسقاسىندا تەستتىك رەجيمدە قولجەتىمدى بولعان. تەستىلەۋ وتكەن اپتادان بەرى جۇرگىزىلگەن. ەندى كەڭەيتىلگەن ليميتى بار WhatsApp -تى iPhone ءۇشىن App Store-دان جانە Android سمارتفوندارى ءۇشىن WhatsApp سايتىنان (2. 20.141 نۇسقا) جۇكتەپ الۋعا بولادى.

بۇل جاڭالىق شىققان ۋاقىتتا Google Play-دە قوسىمشانىڭ ەسكى نۇسقاسى عانا قولجەتىمدى بولعان. جاڭارتۋ توپتىق قوڭىراۋعا بۇرىنعى ءتورت ادامنىڭ ورنىنا ەندى سەگىز ادامدى قوسۋعا مۇمكىندىك بەرەدى. سونداي-اق بۇل فۋنكسيانى جاساپ شىعارۋشىلار وسىنداي قوڭىراۋلاردىڭ قورعالعانىن جانە شيفرلانعانىن ايتادى.

بۇل رەتتە بارلىق قاتىسۋشىلار WhatsApp -تىڭ سوڭعى نۇسقاسىن پايدالانۋى ءتيىس. جاڭا نۇسقاداعى iPhone پايدالانۋشىلارى ءۇشىن iOS 13 ديزاينىنا سايكەس جاڭا ينتەرفەيس قۇرىلدى، سونىڭ ىشىندە حابارلامالاردى باسقارۋدىڭ جاڭارتىلعان ءمازىرى پايدا بولدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى