ەلىمىزدە دارىندى عىلىمي قىزمەتكەرلەر ماتەريالدىق تۇرعىدا كوتەرمەلەنبەك
«ق ر-نىڭ كەيبىر زاڭنامالىق اكتىلەرىنە عىلىم ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى زاڭ جوباسىنا پارلامەنتتىڭ ءبىر توپ دەپۋتاتتى باستاماشى بولدى. زاڭ جوباسىندا سىبايلاس جەمقورلىق تاۋەكەلدەرىن بولدىرماۋ جانە قارجىلاندىرۋ راسىمدەرىنىڭ اشىقتىعىن قامتاماسىز ەتۋ ماقساتىندا عىلىمي جانە عىلىمي- تەحنيكالىق قىزمەتتى گرانتتىق جانە باعدارلامالىق نىسانالى قارجىلاندىرۋدىڭ قۇقىقتىق تەتىگىن ودان ارى جەتىلدىرۋ كوزدەلەدى. سونداي-اق زاڭ جوباسىندا ۇلتتىق عىلىمي كەڭەستەردىڭ ساپالىق قۇرامىنا قويىلاتىن تالاپتار كۇشەيتىلەدى. ۇزدىك عىلىمي قىزمەتكەر اتاعىن بەرۋ ارقىلى دارىندى عىلىمي قىزمەتكەرلەردى ماتەريالدىق كوتەرمەلەۋ شارالارى قاراستىرىلادى»، - دەدى ءماجىلىستىڭ جالپى وتىرىسىندا اتالعان كوميتەتىنىڭ ءتوراعاسى بەيبىت مامىرايەۆ.
دەپۋتاتتىڭ اتاپ وتۋىنشە، وزگەرىستەر ءۇش زاڭعا ەنگىزىلەدى. «كوميتەت وسى زاڭ جوباسىن جۇمىسقا قابىلداپ، ول بويىنشا 2020 -جىلعى 23-جەلتوقسانعا دەيىنگى مەرزىمگە قورىتىندى ازىرلەۋگە دايىن»، - دەدى بەيبىت مامىرايەۆ.
وسىدان كەيىن ءماجىلىس دەپۋتاتتارى قاۋلى جوباسىن ءبىراۋىزدان قولداپ داۋىس بەردى.
اۆتور: مارلان جيەمباي
