استانادا كاسىپورىن كولىكتەرىنىڭ قوزعالىسىنا رۇقسات الۋ اۆتوماتتاندىرىلدى
«ءوتىنىمدى msb.iqala.kz پورتالىنا كومپيۋتەر نەمەسە نوۋتبۋك ارقىلى عانا بەرە الاسىز. زاڭدى تۇلعانىڭ ەلەكتروندىق سيفرلىق قولتاڭباسى قاجەت. سونداي-اق مىناداي مينيمالدى مالىمەتتەر جيىنتىعى قاجەت: ۇيىمنىڭ بيزنەس-سايكەستەندىرۋ ءنومىرى (ب س ن)، جۇرگىزۋشىنىڭ / جولاۋشىنىڭ ج س ن- ى، اۆتوكولىكتىڭ تىركەۋ ءنومىرى، بايلانىس تەلەفونى، ەلەكتروندىق پوشتاسى جانە قوزعالىس ماقساتى»، - دەلىنگەن اكىمدىك حابارلاماسىندا.
پورتال ارقىلى ءبىر كومپانيا ءۇش وتىنىمگە دەيىن بەرە الادى.
ولاردىڭ ءارقايسىندا ءتورت اۆتوكولىكتەن كوپ ەمەس جانە ءار اۆتوكولىككە ون قىزمەتكە دەيىن مالىمەت بەرۋگە بولادى. وتىنىشتەر قالالىق جەدەل شتابتا قارالىپ، «سەرگەك» جۇيەسىنە جىبەرىلەدى.
«سەرگەك» جۇيەسىنەن مالىمەت الىنعاننان كەيىن ءوتىنىش بەرۋشىنىڭ ەلەكتروندىق پوشتاسىنا ءوتىنىشتى قاراۋ ناتيجەسى تۋرالى حابارلاما جىبەرىلەدى. قالالىق قىزمەت كورسەتۋ ورتالىعى مەملەكەتتىك قىزمەت كورسەتۋدى جەڭىلدەتۋ جانە اۆتوماتتاندىرۋ ماقساتىندا قۇرىلعان. بۇگىنگى تاڭدا iqala.kz پورتالىندا نۇر-سۇلتان قالاسىنىڭ ءتۇرلى ۇيىمدارىنىڭ جەكە جانە زاڭدى تۇلعالارىنا ارنالعان 129 قىزمەت ءتۇرى قولجەتىمدى»، - دەدى اكىمدىكتەن.
