فۋتبولدان قازاقستان بىرىنشىلىگى قاشان جالعاساتىنى بەلگىلى بولدى
بۇل شەشىم قازاقستان فۋتبول فەدەراتسياسى مەن كاسىپقوي فۋتبول ليگاسى باسشىلارىنىڭ بىرىككەن جيىنىندا قابىلداندى.
وعان ق ف ف باس حاتشىسى ازامات ايتحوجين، ك ف ل پرەزيدەنتى ولجاس ابرايەۆ، دەپارتامەنت جەتەكشىلەرى قاتىستى.
قازاقستاندا كاسىپقوي جانە اۋەسقوي كوماندالارى اراسىنداعى ەل بىرىنشىلىگى، فۋتبول، فۋتزال جانە جاعاجاي فۋتبولىنان كۋبوك تۋرنيرلەرى ەلىمىزدە توتەنشە جاعداي رەجيمى اياقتالعاننان كەيىن قايتادان جالعاساتىن بولادى.
ەل بىرىنشىلىگىن جالعاستىرۋدىڭ ەكى نۇسقاسى قاراستىرىلدى. نەگىزگى نۇسقاسى رەتىندە بىرىنشىلىكتى ەكى اينالىم بويىنشا وتكىزۋ ويلاستىرىلدى. قوسىمشا نۇسقاسى رەتىندە بيىلعى دوپ دوداسىن «كۇز-كوكتەم» جۇيەسى بويىنشا ۇيىمداستىرۋ جوسپارلانعان.
قازاقستان كۋبوگى، ءبىرىنشى جانە ەكىنشى ليگا كوماندالارى اراسىنداعى بىرىنشىلىكتەردى وتكىزۋ وسىنداي نۇسقالار بويىنشا جۇرگىزىلەدى.
ەستەرىڭىزگە سالا كەتەلىك، فۋتبولدان پرەمەر-ليگا كوماندالارى اراسىنداعى ەل بىرىنشىلىگىن وتكىزۋ ەكى تۋردان كەيىن بەلگىسىز مەرزىمگە كەيىن شەگەرىلگەن بولاتىن.
