وزبەكستاندا ستۋدەنتتەر «اقىلدى» بەتپەردە ويلاپ تاپتى

مۇنداي ماسكا ادامنىڭ دەنە قىزۋىن ولشەي الادى. سونىمەن بىرگە تەمپەراتۋرا، جوتەل مەن تىنىستىڭ تارىلۋىنا بايلانىستى مالىمەتتەردى داتچيك ارقىلى اۆتوماتتى تۇردە سمارتفونعا جىبەرىپ وتىرادى. ال تەلەفونعا ورناتىلعان موبيلدى قوسىمشا بۇل اقپاراتتى COVID-19-دىڭ بەلگىلەرىمەن سالىستىرادى. وسىلايشا قۇرىلعى قاۋىپتى ىندەتتىڭ بار- جوعىن انىقتاماق.

قازىر دوستون مارديەۆ پەن ازيزا ابدۋراحمانوۆا ونەرتابىسىن سىناقتان وتكىزىپ جاتىر. ەندىگى كەزەكتە ينحا ۋنيۆەرسيتەتىنىڭ تالىمگەرلەرى يننوۆاتسيالىق بەتپەردەنىڭ ءوندىرىسىن جولعا قويۋ ءۇشىن ينۆەستورلار ىزدەمەكشى.

دوستون ماردييەۆ، ينحا ۋنيۆەرسيتەتىنىڭ ستۋدەنتى:

- بۇگىندە كوروناۆيرۋستىڭ بەلگىلەرى انىق. ادامنىڭ دەنە قىزۋى كوتەرىلىپ، قۇرعاق جوتەل پايدا بولىپ، ونىڭ تىنىسى تارىلادى. مىنە، ءبىزدىڭ ماسكا وسى مالىمەتتەردى تىركەپ الادى. مىسالى ادامنىڭ دەنە قىزۋى 38,5- تى كورسەتىپ، ول ءجيى جوتەلىپ، ءارى تىنىس الۋى قيىنداسا، وندا «اقىلدى» بەتپەردە قاۋىپتى ىندەتتىڭ انىقتالعانى تۋرالى بەلگى بەرەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى