ا ق ش بەيمالىم ۇشقىش نىساننىڭ بەينەسىن رەسمي تۇردە جاريالادى
ەكى ۆيدەودا اسكەري قىزمەتشىلەردىڭ سويلەگەن سوزدەرى كورسەتىلگەن، ولار بۇل نىسانداردىڭ قانشالىقتى جىلدام قوزعالاتىنىنا تاڭ قالعان. ولاردىڭ ءبىرى بۇل پيلوتسىز نىسان بولۋى مۇمكىن دەپ بولجاعان. ا ق ش اسكەري- تەڭىز كۇشتەرى وتكەن جىلدىڭ قىركۇيەگىندە بۇل بەينەلەردىڭ شىنايىلىعىن راستادى. پەنتاگون قازىر ۆيدەولاردى رەسمي تۇردە جاريالادى، سوندىقتان پەنتاگوننىڭ وكىلى سيۋ گوفتىڭ ايتۋىنشا، «كادرلاردىڭ شىنايى ەكەندىگى تۋرالى نەمەسە وسى بەينەلەردە باسقا دا بىردەڭە بار ەكەندىگى تۋرالى قوعامدىق تۇسىنىكتەردەن ارىلىڭىز» دەدى. بەينەجازبالاردا بايقالعان اۋە قۇبىلىستارى ءالى دە بەلگىسىز نىسان رەتىندە سيپاتتالادى.
بەينەلەر العاش رەت 2017 -جىلدىڭ جەلتوقسانىنان 2018 -جىلدىڭ ناۋرىزىنا دەيىن To The Stars ونەر جانە عىلىم اكادەمياسىندا جاريالاندى.
2017 -جىلى بەلگىسىز نىسانداردىڭ ءبىرىن 2004 -جىلى كورگەن ۇشقىشتاردىڭ ءبىرى بەلگىسىز نىساننىڭ قالاي قوزعالاتىنىن تۇسىندىرە المادى. «مەن وعان جاقىنداعان كەزدە .. . ول تەز وڭتۇستىككە بۇرىلىپ، ەكى سەكۋندتىڭ ىشىندە جوعالىپ كەتتى»، - دەدى ا ق ش- تىڭ زاپاستاعى ۇشقىشى دەۆيد فراۆور. «ول قابىرعاعا سەكىرگەن دوپ ءتارىزدى قوزعالدى».
پەنتاگوندا بۇرىنعى سەناتور گارري رەيدتىڭ باسشىلىعىمەن قۇپيا باعدارلاما وسى نىسانعا بايلانىستى جۇمىس ىستەپ جاتقاندىعى ايتىلادى. باعدارلامادا بەلگىسىز زاتتاردىڭ ۇشۋ جازبالارى زەرتتەلدى. پەنتاگوننىڭ ايتۋىنشا، باعدارلاما 2007 -جىلى ىسكە قوسىلىپ، 2012 -جىلى جابىلعان.
الايدا، قۇپيا باعدارلامانىڭ بۇرىنعى جەتەكشىسى لۋيس ەليزوندو 2017 -جىلى CNN- گە بەرگەن سۇحباتىندا ول «الەمدە جالعىز ەمەستىگىمىزگە وتە كۇشتى دالەلدەر بار» دەپ سەنەدى.
