كوروناۆيرۋس «گەنوتسيدى» تۋرالى جالعان اقپارات تاراتقان ايەل ۇستالدى
«YouTube ۆيدەوحوستينگىندە اۆتوردىڭ ەكىباستۇزدا «گەنوتسيد» ءجۇرىپ جاتقانى تۋرالى ايتقان ءسوزى جاريالاندى. اۆتور دارىگەرلەردىڭ كوروناۆيرۋس ينفەكتسياسىن جۇقتىرعان ناۋقاستاردىڭ سانى تۋرالى ستاتيستيكانى وتىرىك تۇزەتىنىن ايتقان. تۇرعىندار وسى اقپاراتتى ءبىر- بىرىنە بەلسەندى تۇردە تاراتا باستادى. الايدا بۇل اقپارات شىندىققا ساي كەلمەيدى»،- دەپ حابارلايدى ءى ءى م- نەن.
قۇقىق قورعاۋشىلار ۆيدەونى زەرتتەي كەلە 53 جاستاعى ەكىباستۇز قالاسىنىڭ تۇرعىنىن ۇستاپتى. ق ر ا ق ب ج ك- نىڭ 478-بابى (توتەنشە جاعداي كەزىندە قۇقىقتىق ءتارتىپتى بۇزۋعا يتەرمەلەيتىن ارەكەتتەر) بويىنشا اكىمشىلىك حاتتاما تولتىرىلدى. ءىس سوتتا قارالادى. «ارتىنشا اتالعان ازامات بۇرىن ايتقان مالىمەتتەرىن جوققا شىعارىپ، قايتادان ۆيدەو جاريالادى. وسىعان دەيىن جالعان اقپارات تاراتۋ فاكتىسى بويىنشا 14 ادام اكىمشىلىك جاۋاپكەرشىلىككە تارتىلدى»، - دەلىنگەن حابارلامادا.
