مەملەكەت باسشىسى: ۇكىمەت پەن قۇزىرلى ورگانداردىڭ مىندەتى - قارجىنىڭ ءتيىمدى جۇمسالۋىن قامتاماسىز ەتۋ
بۇل تۋرالى ق ر پرەزيدەنتى قاسىم-جومارت توقايەۆتىڭ مالىمدەمەسىندە ايتىلعان، دەپ حابارلايدى قازاقپارات ءتىلشىسى.
«اۋىل شارۋاشىلىعى ەڭبەككەرلەرى قيىندىققا قاراماستان جۇمىس ىستەۋدە. شارۋالاردىڭ ەڭبەگىنە ءدان ريزامىز. كوكتەمگى ەگىس ناۋقانى ماسەلەلەرى شەشىمىن تاپتى. بۇل جۇمىسقا ەشقانداي كەدەرگى بولماۋى كەرەك. اۋىل شارۋاشىلىعى مينيسترلىگىنە جانە اكىمدەرگە وسىنداي مىندەت جۇكتەلەدى»، - دەدى ق ر پرەزيدەنتى.
مەملەكەت باسشىسىنىڭ دەرەگىنشە، وسى ناۋقانعا جانە ءونىمدى الدىن الا ساتىپ الۋعا 200 ميلليارد تەڭگە ءبولىندى. سونىڭ 70 ميللياردى تۇقىم ءوندىرىسىن دامىتۋعا، تىڭايتقىشتار ساتىپ الۋعا جۇمسالادى.
«جالپى، ازاماتتار مەن بيزنەستى قولداۋ ءۇشىن 6 تريلليون تەڭگەگە جۋىق قارجى ءبولىنىپ وتىر. بۇل - قوماقتى قاراجات. ۇكىمەت پەن قۇزىرلى ورگانداردىڭ مىندەتى - قارجىنىڭ ءتيىمدى جۇمسالۋىن جانە وسى ۇدەرىستىڭ بارىنشا اشىق بولۋىن قامتاماسىز ەتۋ»، - دەدى قاسىم-جومارت توقايەۆ.
