سولتۇستىك كورەيا باسشىسى كيم چەن ىن سامچجيەن قالاسىن سالۋعا ۇلەس قوسقان ەڭبەككەرلەرگە العىس ايتتى
رەسەيلىك تاسس اگەنتتىگىنىڭ حابارلاۋىنشا، بۇل تۋرالى جەكسەنبى كۇنى حالىق رەسپۋبليكاسىنىڭ «نودون سينمۋن» ورتالىق گازەتى جازعان. «قۇرمەتتى جوعارعى باسشى كيم چەن ىن مىرزا سامچجيەن قالاسىن قۇرۋعا شىنايى ۇلەسىن قوسقان جۇمىسكەرلەرگە العىسىن ءبىلدىردى» ، - دەلىنگەن ماقالادا.
«بۇل رەتتە باسىلىم قۇرىلىسشىلارعا العىس جولداۋ قاشان جىبەرىلگەنىن، سونداي- اق حالىق رەسپۋبليكاسىنىڭ باسشىسى قازىرگى كەزدە قايدا ەكەنى تۋرالى ەش مالىمەت جوق» ، دەپ جازادى ت ا س س. وسى ارادا، كورەيا ورتالىق تەلەگراف اگەنتتىگى (ك و ت ا) بۇگىن تاڭەرتەڭ ر ف ك پ ءتوراعاسى گ. ا. زيۋگانوۆتىڭ كيم چەن ىنعا 2019 -جىلدىڭ 25 - ساۋىرىندە رەسەي مەن ك ح د ر كوشباسشىلارىنىڭ ۆلاديۆوستوكتا وتكەن ءسامميتىنىڭ ءبىر جىلدىعىنا وراي قۇتتىقتاۋ جەدەلحاتىن جىبەرگەنى تۋرالى حابارلادى. ال 22 - ساۋىردە، ك و ت ا- نىڭ اقپاراتىنشا، كيم چەن ىن سيريا اراب رەسپۋبليكاسىنىڭ پرەزيدەنتى باشار ءال- اسادقا جەدەلحات جىبەرگەن. بۇل رەتتە ب ا ق كيمنىڭ 11 - ساۋىردەن باستاپ حالىق الدىنا شىقپاعانى تۋرالى ەشتەڭە حابارلاعان جوق، بۇل ەلدىڭ 36 جاستاعى كوشباسشىسىنىڭ اۋىر دەرتكە شالدىققانى تۋرالى وسەك- اياڭعا سەبەپ بولعان، دەپ جازادى رەنحاپ.
سولتۇستىك كورەيانىڭ بۇقارالىق اقپارات قۇرالدارى كيم چەن ىننىڭ دەنساۋلىعىنا قاتىستى اقپاراتتاردى جاريالامايدى. بۇنىڭ ورنىنا پحەنياننىڭ ناسيحات ورتالىقتارى كورەيا حالىقتىق ريەۆوليۋتسيالىق ارمياسىنىڭ قۇرىلۋىنىڭ 88-جىلدىعى تۋرالى بەلسەندى جازعان. وسى ارادا، Reuters قىتايدىڭ سولتۇستىك كورەياعا دارىگەرلەر مەن شەنەۋنىكتەردىڭ ءبىر توبىن جىبەرگەنى تۋرالى حابارلادى. قىتاي كوممۋنيستىك پارتياسىنىڭ حالىقارالىق بايلانىس ءبولىمىنىڭ قىزمەتكەرى باستاعان دەلەگاتسيا بەيسەنبى كۇنى بەيجىڭنەن سولتۇستىك كورەياعا اتتاندى.
