كاسىپكەرلەر نۇر- سۇلتاندا ءبىرقاتار كاسىپورىنداردىڭ جۇمىسىن قايتا باستاۋدى ۇسىندى
اشىق ديالوگ بارىسىندا كاسىپكەرلەر كاسىپورىنداردىڭ جۇمىسىن بىرتىندەپ قالپىنا كەلتىرۋ بويىنشا ءوز ۇسىنىستارىن ايتتى. ماسەلەن، تۇرمىستىق تەحنيكانى ساتاتىن دۇكەندەردى اشۋ تۋرالى ۇسىنىس ايتىلدى. تۇرعىنداردا توڭازىتقىش، سالقىنداتقىش، پليتا جانە ت. ب. ساتىپ الۋ قاجەتتىلىگى تۋىنداپ وتىر. سونىمەن بىرگە ارنايى حالىققا قىزمەت كورسەتۋ ورتالىقتارىن بارىنشا ونلاين رەجيمگە كوشىرىپ، اشۋ ۇسىنىلدى. ونلاين- كونفەرەنتسياعا قاتىسۋشىلار ونلاين- سەرۆيستەردى دامىتۋ مەن مەملەكەتتىك قىزمەتتەردى ەلەكتروندىق فورماتقا بارىنشا كوشىرۋ قاجەتتىگىن اتاپ ءوتتى. «اتامەكەن» ق ر ۇ ك پ باسقارما ءتوراعاسى ابىلاي مىرزاحمەتوۆ ۇسىنىستار ەسكەرىلەتىندىگىن ايتتى. كاسىپكەرلەردىڭ ۇسىنىستارى توتەنشە جاعداي رەجيمىن قامتاماسىز ەتۋ جونىندەگى مەملەكەتتىك كوميسسيانىڭ وتىرىسىندا تالقىلانادى.
