ۆەتنامدا ءبىر اي بۇرىن ەنگىزىلگەن كارانتين الىندى
سەبەبى ەلدە سوڭعى اپتادا بىردە- ءبىر دەرتتى جۇقتىرۋ وقيعاسى تىركەلمەگەن.
تىيىم الىنا سالىسىمەن كاسىپورىندار جۇمىسىن قايتا باستاپ، مەيرامحانالار مەن مەكتەپتەر اشىلعان. ايماق اراسىندا ساياحاتتاۋعا رۇقسات ەتىلگەن. دەگەنمەن، كەيبىر تىيىمدار ساقتالادى. مىسالى ويىن- ساۋىق جانە سپورتتىق شارالاردى وتكىزۋگە بولمايدى. ايتا كەتەيىك، ۆتەنامدا كوروناۆيرۋس تارالعالى دەرتتى 268 ادام عانا جۇقتىرعان. ولاردىڭ باسىم كوبى ەمدەلىپ شىقتى.
نگۋەن تحي تۋي، ءدامحانا قوجايىنى:
- ءبىز ۇكىمەت كارانتين ەنگىزگەن كەزدە ءدامحانامىزدى جاپقان ەدىك. بۇگىن مىنە، امان- ەسەن كاسىبىمىزدى قايتا اشىپ وتىرمىز. ەلىمىز قالىپتى ومىرىنە قايتا ورالىپ باستاعانىنا وتە قۋانىشتىمىز.
