سينگاپۋردا كارانتين رەجيمىن بۇزعانى ءۇشىن ازاماتتىعىنان ايىرىلۋى مۇمكىن
- مەن پروديۋسەر ءارى يميدجمەيكەرمىن. قازىردە بالا كۇتىمىنە بايلانىستى ەڭبەك دەمالىسىندامىن، بوس ۋاقىتىمدا Instagram پاراقشاسىندا بلوگ جۇرگىزەمىن. ءبىز وسى جىلدىڭ قاڭتار ايىندا سينگاپۋرگە كەلدىك. جولداسىم ۋنيۆەرسيتەتتەن Global MBA باعدارلاماسى بويىنشا وقۋعا گرانت ۇتىپ الدى. ءبىز ءتورت ايدان ءۇش مەملەكەتتە بولامىز – ب ا ءا، اۆستراليا جانە سينگاپۋر.
ۆيرۋستىڭ ەكىنشى تولقىنى
- سينگاپۋردەگى جاعداي تۋرالى ايتىپ بەرىڭىزشى. سوڭعى وقيعالارعا قاتىستى مەملەكەت قانداي شارالار قولدانۋدا؟
- باسقالارعا قاراعاندا بۇل مەملەكەتتىڭ پاندەمياعا دايىندىعى جاقسى بولدى. سينگاپۋرگە 2003 -جىلعى SARS ەپيدەمياسى (وسىعان ۇقساس پنيەۆمونيا) ۇلكەن ىقپال ەتتى.
2020 -جىلدىڭ اقپان ايىنلدا كوروناۆيرۋستىڭ العاشقى تولقىنى تارالدى. مەملەكەت قىتايمەن تىعىز بايلانىستا بولعانىنا قاراماستان (حالىقتىڭ % 76 - ەتنيكالىق قىتايلار) اۋرۋدىڭ تارالۋىن تەجەي الدى. سوندىقتان اقپان ايىنان باستاپ ناۋرىز ايىن دەيىن مۇنداعى مەكەمەلەردىڭ ءبارى جۇمىس ىستەدى، ءۇي كارانتينى دەگەن بولعان جوق. قاشىقتان جۇمىس ىستەۋ، وقۋ جانە الەۋمەتتىك قاشىقتىق تۋرالى ۇسىنىستار بەرىلدى. ادامدار كۇندەلىكتى تىرلىگىن جاساپ، ەشقانداي ءقاۋىپ كۇتكەن جوق. ورتاشا ەسەپپەن كۇنىنە 15 جاعداي تىركەلدى، اۋرۋدان ايىققانداردىڭ سانى دا جوعارى بولدى. ال
ناۋرىزدىڭ سوڭىندا Covid-19-دىڭ ەكىنشى تولقىنى كەلدى. سينگاپۋر ازاماتتارى ا ق ش جانە ەۋروپا ەلدەرىنەن قايتىپ كەلۋگە ءماجبۇر بولدى. سوندىقتان مەملەكەت پاندەميامەن كۇرەس شارالارى كۇشەيتتى.
7 - ساۋىردە پرەمەر- مينيستر رەستوراندار مەن ويىن- ساۋىق عيماراتتارىنىڭ، ادامدار جاپپاي جينالاتىن ورىنداردىڭ جابىلاتىنى تۋرالى حابارلادى. جۇمىس ورنىنا بارۋ اسا قاجەت ەمەس سالالارداعى قىزمەتكەرلەردىڭ ۇيدەن جۇمىس ىستەۋىن تالاپ ەتتى. مەكتەپتەر مەن ۋنيۆەرسيتەتتەردە قاشىقتان وقىتۋ رەجيمى ەنگىزىلدى.
كارانتيننەن قاشساڭ، ازاماتتىعىڭنان ايىرىلاسىڭ
- حالىقتىڭ كارانتين رەجيمىنە كوزقاراسىن قالاي سيپاتتاپ بەرە الاسىز؟
- كوروناۆيرۋسقا قاتىستى ماسەلەگە سينگاپۋرلىقتار سابىرلىق تانىتىپ، جاۋاپكەرشىلىكپەن قارادى. مەملەكەتتىڭ زاڭ تالاپتارىنىڭ ساقتالۋىنا وتە قاتاڭ قاراۋى دا ۇلكەن ءرول اتقاردى. ماسەلەن، ءۇي كارانتيننىن بۇزعانى ءۇشىن ءبىر ەر ادام ازاماتتىعىنان ايىرىلدى.
سونداي- اق كارانتين تالاپتارىن بۇزعانى ءۇشىن 10 مىڭ سينگاپۋر دوللارى كولەمىندە ايىپپۇل سالىنادى نەمەسە التى ايعا باس بوستاندىعىنان ايىرادى.
- ءسىز نەگە ەرەكشە نازار اۋداردىڭىز نەمەسە نەگە قاتتى تاڭعالدىڭىز؟
- بىرىنشىدەن، ەلدىڭ پرەمەر- ءمينيسترى كۇن سايىن تىكەلەي ەفيرگە شىعىپ، جاعدايدى بايانداپ، حالىقتى رۋحتاندىرۋعا تىرىسادى.
ەكىنشىدەن، قالىپتاسقان جاعدايعا بايلانىستى مەملەكەت بارلىق كامەلەتتىك جاسقا تولعان ازاماتتارعا كەم دەگەندە 600 سينگاپۋر دوللارى (200 مىڭ تەڭگە) بولاتىن جاردەماقى تولەۋ تۋرالى شەشىم قابىلدادى. حالىق پەن شوب قولداۋ اياسىندا بارلىعى 60 ميلليارد سينگاپۋر دوللارى (42 ميلليارد دوللارعا جۋىق) ءبولىندى.
ۇشىنشىدەن، مەملەكەتتىڭ ازاماتتارىنا دەگەن كوڭىلى تاڭعالدىردى. مىسالى، ناۋرىزدىڭ سوڭىندا جاڭا زەلانديادا وقىپ جۇرگەن 6 ستۋدەنت ەلگە قايتارىلدى. جاستار العىس ءبىلدىرۋ ءۇشىن سينگاپۋر اۋە باعىتتارىنىڭ ەكيپاجدارىنا ارناپ ماوري اتتى ءداستۇرلى بيلەرىن بيلەپ بەردى.
سونداي- اق بيلىكتىڭ تاپسىرماسىمەن ەلدە بىرنەشە رەت قولدانۋعا بولاتىن بەتپەردەلەردى تەگىن تاراتۋدا.
العاشقى ناتيجەسى
- كارانتين ادامداردىڭ ومىرىندەگى كوپ نارسەنى وزگەرتتى. سىزدە نە وزگەردى؟
- كوروناۆيرۋسقا قاتىستى قازىرگى جاعداي، كۇنى بۇگىنگە دەيىن سوزىلعان كارانتين رەجيمى ءوزىمىزدىڭ ىشىمىزگە ءۇڭىلۋ، قۇندىلىقتاردى، كوزاقاراستارىمىزدى جانە وي- تىلەكتەرىمىزدى قايتا قاراۋ ءۇشىن بەرىلگەن. بۇل جاعداي ءبىزدىڭ قولىمىزدا بار نارسەلەردى: ەركىندىگىمىزدى، تابيعاتتى جانە جالپى جەردى باعالامايتىنىمىزدى كورسەتتى. ءبىراق جاقىن ارادا بارلىعى اياقتالىپ، كۇندەلىكتى ومىرىمىزگە قايتا ورالاتىنىمىزعا سەنىمدىمىن. ارينە بارلىعى بۇرىنعىداي بولمايدى. قوعامداعى ۇردىستەردىڭ بارلىعى قايتا قارالادى. بولاشاق بىزگە بايلانىستى. ءبىر- ءبىرىمىزدى قۇرمەتتەپ، قارت ادامداردى سىيلاي بىلەيىك.
