ماڭعىستاۋدا كوروناۆيرۋستان ءبىر ادام قايتىس بولدى

قايتىس بولعان ازامات - مۇنايلى اۋدانىنداعى باتىر اۋىلىنىڭ 40 جاستاعى تۇرعىنى. «ول 20 -ءساۋىر كۇنى ىستىعى كوتەرىلىپ، قاتتى اۋىرعان سوڭ جەدەل- جاردەمگە حابارلاسقان. ونىڭ جەدەل- جاردەم شاقىرتقانعا دەيىن ۇيىندە ءبىر اپتاداي اۋىرعانى انىقتالدى. بىردەن كارانتيندىك ستاتسيونارعا جاتقىزىلىپ، زەرتحانالىق سىناما الىنعان. ءسويتىپ، Covid-19 ۆيرۋسىن انىقتايتىن تەست تاپسىرادى. العاشقى رەت تەست ناتيجەلەرى تەرىس بولعان. ەكىنشى رەت تەست ناتيجەلەرى وڭ بولىپ، ناۋقاستان پتر دياگنوستيكالىق زەرتتەۋ ناتيجەلەرى بويىنشا COVID-19 دياگنوزى ناقتىلاندى. اسكەري قىزمەتكەر اقتاۋ قالاسىن دەزينفەكتسيالاۋ جۇمىستارىنا قاتىسقان ەكەن. مارقۇمنىڭ ارتىندا ايەلى مەن 5 بالاسى قالدى» ، دەلىنگەن حابارلامادا.

قازىرگى ۋاقىتتا ناۋقاسپەن جاقىن بايلانىستا بولعان وتباسى مەن وزگە دە اسكەري ءبولىمنىڭ قىزمەتكەرلەرى اۋرۋحاناعا جاتقىزىلعان. اسكەري بولىمدە جانە مارقۇمنىڭ ۇيىندەدە زينفەكتسيالىق جۇمىس جۇرگىزىلىپ جاتىر.

ەپيدەمياعا قارسى ءىس- شارالار قولعا الىنعان. 24 - ساۋىردەگى جاعداي بويىنشا وڭىردە 20 ادامنىڭ COVID-19 ۆيرۋسىن جۇقتىرعانى انىقتالدى. اقتاۋدا – 11، جاڭاوزەندە – 4، ماڭعىستاۋ اۋدانىندا – 4، مۇنايلى اۋدانىندا - 1. جازىلىپ شىققانى – 4، قايتىس بولعان - 1. اۋىرعانداردىڭ كونتينگەنتى بويىنشا: مەديتسينا قىزمەتكەرى - 1 جاعداي، پوليتسيا قىزمەتكەرلەرى - 3 ادام، اسكەري قىزمەتكەر - 1 جاعداي، زەينەتكەر - 2 جاعداي جانە جۇمىسسىزدار - 9 ادام. قازىر ينفەكتسيالىق ستاتسيوناردا 15 ناۋقاس ەم قابىلداۋدا. ونىڭ ىشىندە 1 ناۋقاستىڭ جاعدايى تۇراقتى اۋىر. تىركەلگەن 20 ناۋقاسپەن قارىم- قاتىسناستا بولعان ادامدار سانى – 683، ونىڭ ىشىندە جاقىن قاتىناستا - 161 ادام، پوتەنتسيالدى قاتىناستا - 522 ادام انىقتالدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى