بيىل استانا كۇنى قالاي تويلانادى
بۇل سۇراققا مادەنيەت جانە سپورت ءمينيسترى اقتوتى رايىمقۇلوۆا جاۋاپ بەردى، دەپ حابارلايدى قازاقپارات ءتىلشىسى.
«البەتتە بۇعان دەيىن استانامىزدىڭ مەرەكەسى اياسىندا كوپتەگەن كونسەرتتى جوسپارلاعان ەدىك. ەندىگى كەزەكتە ەلدەگى كارانتينگە بايلانىستى جاعداي قالاي بولادى - سوعان قاراي جوسپار جاسايمىز. ايتسە دە قالا تۇرعىندارى مەن مەيماندارىن وفلاين جوبالارمەن قۋانتامىز دەگەن ويدامىن. البەتتە ونلاين- رەجيمدەگى جوبالار دا كوپ بولادى. استانامىزدىڭ مەرەكەسىنە وراي مادەني شارالاردى لايىقتى دەڭگەيدە دايارلايتىنىمزدى ايتقىم كەلەدى»، - دەدى اقتوتى رايىمقۇلوۆا و ك ق- دا ونلاين رەجيمدە وتكەن باسپا ءسوز ءماسليحاتىندا.
ايتا كەتسەك، بۇعان دەيىن اقتوتى رايىمقۇلوۆا 3D فورماتىندا ەكسكۋرسيا ۇسىناتىن ەلىمىزدەگى مۋزەيلەر مەن ەسكى قالاشىقتاردى اتاعان بولاتىن.
اۆتور: ايان بەكەن ۇلى
