ابايەۆ قازاقستان مەن وزبەكستانداعى باسپا ءسوز بوستاندىعىن سالىستىردى
رەيتينگ بويىنشا ەلىمىز 157-ورىندا بولسا، وزبەكستان قازاقستاننان ءبىر ساتى جوعارى تۇر.
بۇل تۋرالى ق ر اقپارات جانە قوعامدىق دامۋ ءمينيسترى داۋرەن ابايەۆ «اشىق ديالوگ» باعدارلاماسىندا ايتتى، دەپ حابارلايدى قازاقپارات ءتىلشىسى.
«بۇل تاقىرىپتى وتكەن جىلى دا قوزعاعان ەدىك. مەن جاعدايى بىزدەن تومەن ەلدەردىڭ رەيتينگتە قالاي وزىپ كەتەتىنى تۋرالى مىسال كەلتىرگەنمىن. مەنى دۇرىس تۇسىنىڭىزدەر، مەن بۇل جەردە بىزدە ءبارى ءمىنسىز ەكەنىن، رەيتينگتىڭ باسىندا بولۋىمىز كەرەك ەكەنىن دالەلدەمەك ەمەسپىن. رەيتينگ بويىنشا تۇرعان ورنىمىز - قازىرگى شىنايى ءومىرىمىزدىڭ كورىنىسى ەمەس. قازاقستاندا جۇمىس ىستەيتىن كوپتەگەن شەتەلدىك قور، ۇكىمەتتىك ەمەس ۇيىمدار وسىنى مويىندايدى»، - دەيدى ق ر اقپارات جانە قوعامدىق دامۋ ءمينيسترى داۋرەن ابايەۆ.
ول ءبىزدىڭ ەلدە ونشاقتى شەتەلدىك ءتىلشى تىركەلگەنىن ايتتى.
«شەتەلدىك تىلشىلەرگە رەيتينگتىڭ باسىندا تۇرعان مەملەكەتتەرگە قاراعاندا، ءبىزدىڭ ەلدە كاسىبي ماشىعىن جەتىلدىرۋ الدەقايدا قولايلى ەكەنىنە سەنىمدىمىن. وزبەكستاندىق ارىپتەستەرگە كەلەر بولساق، ول جاقتاعى باسشىلىق ۇلكەن رەفورمالار جاساپ جاتىر. ادىلدىك بولۋى ءۇشىن ايتايىن: ولار ەنگىزگەن نارسە مەن حالىقارالىق ۇيىمدار بەلگىلەگەن نارسەلەر ءبىزدىڭ ەلدە بۇرىن جاسالىپ قويعان. مىسالى، وزبەكستاندا ب ا ق- تى تىركەۋ جەڭىلدەتىلگەن. ءبىزدىڭ مەملەكەتتە ب ا ق- تى تىركەۋ جەڭىلدەتىلىپ قانا قويعان جوق، ول ونلاين فورماتتا جۇزەگە اسىرىلادى. مۇنىڭ ءبارى بىزدە 2012-جىلدان بەرى ىسكە اسىپ كەلەدى. قازاقستاننىڭ كەز كەلگەن ازاماتى مۇنى ىستەي الادى»، - دەيدى ول.
ونىڭ ايتۋىنشا، ەلىمىزدە ب ا ق- تى تىركەۋدە رۇقسات ەتىلمەيتىن جالعىز جاعداي - وسى ۋاقىتقا دەيىن بار ب ا ق- تى قايتالاۋ. «كوپ رەپورتاج تىكەلەي ەفيردە شىعاتىنى ايتىلادى. ءبىز ءۇشىن تىكەلەي ەفيردە رەپورتاج جاساۋ - قالىپتى جاعداي. مەن تەلەكورەرمەن ءۇشىن ءبىر قۇپيانى ايتايىن: قازاقستانداعى بارلىق تەلەارنادا جاڭالىقتار تىكەلەي ەفيردە شىعادى. مىسالى، وندا جەمقورلىق ماسەلەسىن كوتەردى. بىزدە كوررۋپتسياعا قارسى اگەنتتىك - ەلىمىزدەگى ەڭ نەگىزگى جاڭالىق تاراتۋشىلاردىڭ ءبىرى. وزبەكستانداعى ارىپتەستەردىڭ ەڭبەگىنە ەشقانداي كۇمان كەلتىرمەيمىن، ءبىراق بۇل رەيتينگتىڭ سۋبەكتيۆتىلىگى قاتتى كورىنىپ تۇر»، - دەيدى مينيستر.
