ۇيىنە قوناق شاقىرعان اقتوبەلىك قاماۋعا الىندى

توتەنشە جاعداي رەجيمى ەنگىزىلگەن كۇننەن بەرى وڭىردە بارلىعى 853 قۇقىقبۇزۋشىلىق تىركەلدى. اكىمشىلىك قۇقىقبۇزۋشىلىق تۋرالى كودەكستىڭ «توتەنشە جاعداي رەجيمىن بۇزۋ» بابى بويىنشا 168 ادام قامالدى.

سونىمەن بىرگە 200 دەن استام ادامعا ايىپپۇل سالىندى. بەيبەرەكەت كوشەدە جۇرگەن 400 ادامعا ەسكەرتۋ بەرىلدى.

ال «توتەنشە جاعدايدا قۇقىق ءتارتىبىن بۇزۋعا يتەرمەلەيتىن ءىس- ارەكەتتەر» بابى بويىنشا 18 ادام قامالعان. سوتقا جىبەرىلگەن ماتەريالدار دا بار. پوليتسيا بلوكپوستتاردى اينالىپ وتپەك بولعان ادامداردى ءالى انىقتاپ جاتىر. بارلىعى وڭىردە 38 دەرەك تىركەلگەن.

«پوليتسيا قىزمەتكەرلەرى «قۇرمىش» شاعىناۋدانىندا تۇراتىن 30 جاستاعى ەر ادامنىڭ كارانتين رەجيمىنە قاراماستان ءوز ۇيىندە قوناق قابىلداعانىن انىقتادى. پاتەر يەسى مەن ونىڭ 3 قوناعىنا ق ر ا ق ب ت ك-نىڭ 476-بابى 6-تارماعى بويىنشا اكىمشىلىك حاتتاما تولتىرىلدى. اكىمشىلىك سوت ولاردى 2 جانە 3 تاۋلىككە اكىمشىلىك قاماۋعا الدى»، - دەپ حابارلادى وبلىستىق پ د باسپا ءسوز قىزمەتىنىڭ جەتەكشىسى ەربولات سارقۇلوۆ.

ايتا كەتەيىك، قالا ىشىندە جۇرۋگە رۇقسات قاعازى جوق 130 دان استام جۇرگىزۋشىنىڭ كولىگى ايىپ تۇراعىنا قويىلدى. قالا تۇرعىندارى ەل ىشىندەگى شەكتەۋلەربى قاتاڭ ساقتاۋعا، ۇيدە وتىرۋعا كەڭەس بەرەدى.

اۆتور: التىناي ساعىندىقوۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى