رەسەيدەن كەلگەن ستۋدەنتتەن كوروناۆيرۋس انىقتالدى

بۇدان بۇرىن حابارلاعانىمىزداي، 22- ءساۋىر ساعات 22.50-دەگى سوڭعى مالىمەتكە سايكەس، قازاقستاندا كوروناۆيرۋس تاعى 65 ادامنان انىقتالدى. سونىڭ ىشىندە باتىس قازاقستان وبلىسىندا 4 جاعداي تىركەلدى.

ب ق و- نىڭ شۇعىل شتابىنان ءمالىم ەتكەنىندەي، بۇلاردىڭ تورتەۋى دە - وبلىس ازاماتتارى.

ۇشەۋى رەسەي استاناسى ماسكەۋدە جۇمىس جاسايدى، بىرەۋى - ساراتوۆ قالاسىنداعى ج و و ستۋدەنتى.

ولار ساراتوۆ وبلىسىمەن شەكتەسەتىن «تاسقالا» بەكەتىنەن وتكەن كەزدە دەنساۋلىقتارىنا شاعىمى بولماعان. ايتسە دە كارانتيندىك ستاتسيونارعا جاتقىزىلىپ، سىناما الىنعان كەزدە كوروناۆيرۋسقا شالدىققانى بەلگىلى بولدى.

قازىرگى تاڭدا وبلىستىق جۇقپالى اۋرۋلار اۋرۋحاناسىندا جاتقان ناۋقاستاردىڭ جاعدايى قاناعاتتانارلىق.

سىرقاتتانعاندارمەن قارىم-قاتىناستا بولعاندار مەديتسينالىق باقىلاۋعا الىنىپ، اۋرۋ وشاقتارىندا دەزينفەكتسيالىق جۇمىستار جۇرگىزىلدى.

وسىلايشا وبلىستا اۋىرعاندار سانى 76 عا جەتىپ، سونىڭ ەكەۋى جازىلىپ شىقتى. وسىنىڭ ىشىندە 64 ءى - رەسەيدەن، بىرەۋى اتىراۋدان كەلگەن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى